web counter
LEXO PA REKLAMA!

SHKARKO APP

App Store
Google Play

E fundit!

x

Përfundimi i vetingut/ Metani: Ky moment shënon nisjen e fazës më të rëndësishme

17 Qershor 2026, 12:10, Aktualitet CNA

Përfundimi i vetingut/ Metani: Ky moment shënon nisjen e fazës

Kreu i Inspektoratit të Lartë të Drejtësisë, Artur Metani, i pranishëm në konferencën përmbyllëse të procesit të vetingut, tha se ky moment shënon një fazë më të rëndësishme.

Metani tha se pas përfundimit të vetingut nis institucionalizimi i standardeve të integritetit dhe përgjegjshmërisë. Sfida, tha Metani, është ndërtimi i një sistemi të ri dhe të qëndrueshëm mbi bazën e llogaridhënies së zakonshme.

Kreu i ILD-së deklaroi se fokusi i institucioneve të reja duhet të jetë i mbështetur te transparenca dhe barazia. Më tej, Metani tha se duhet kujdes i shtuar në ruajtjen e ekuilibrit mes pavarësisë dhe llogaridhënies së magjistratëve.

 

“Ky moment shënon nisjen e fazës më të rëndësishme, institucionalizimi i standardeve të integritetit dhe përgjegjshmërisë. Një shtet i së drejtës nuk mund të mbështetet përjetësisht mbi standarde të jashtëzakonshme. Sfida është ndërtimi i një sistemi të ri drejtësie, të qëndrueshëm dhe mbi bazën e llogaridhënies së zakonshme.

Fokusi i institucioneve të reja duhet të mbështetet te transparenca dhe barazia.

Standardet e konsoliduara kontribuojnë edhe në krijimin e një kulture të përgjegjësisë profesionale.

Integriteti i magjistratëve duhet të shndërrohet në një kulturë institucionale dhe kjo kulturë duhet të ndërtohet në mënyrë të vazhdueshme.

Kujdes i shtuar në ruajtjen e ekuilibrit delikat mes pavarësisë dhe llogaridhënies së magjistratëve.

Pavarësia e magjistratëve është garanci kushtetuese për qytetarin”, tha Metani.





Lajmet e fundit nga