web counter
LEXO PA REKLAMA!

SHKARKO APP

App Store
Google Play

E fundit!

x

Rruga dytësore Tiranë–Durrës drejt transformimit, Bashkia e Tiranës hap tenderin 595 milionë lekë

16 Qershor 2026, 22:38, Aktualitet CNA

Rruga dytësore Tiranë–Durrës drejt transformimit, Bashkia e

Bashkia e Tiranës ka çelur procedurën e tenderimit për rikonstruksionin e aksit dytësor Tiranë–Durrës deri te mbikalimi i Kasharit, një investim me vlerë rreth 595 milionë lekë që synon përmirësimin e infrastrukturës dhe lehtësimin e qarkullimit në një nga segmentet më të rëndësishme hyrëse të kryeqytetit.

Sipas Scan, projekti përfshin rehabilitimin e plotë të rrugës që nis pranë spitalit Hygea dhe shtrihet deri në zonën e mbikalimit të Rinasit, pranë Megatek. Ky aks përdoret çdo ditë nga mijëra automjete dhe shërben si lidhje kryesore për zonat industriale, bizneset dhe komunitetet e banimit në perëndim të Tiranës.

Sipas dokumentacionit të tenderit, rruga ka një gjatësi totale prej rreth 6.839 metrash linearë dhe përbëhet nga një karrexhatë me dy korsi, secila me gjerësi 3.25 metra.

Ndërhyrja do të përfshijë rikonstruksionin e karrexhatës, ndërtimin e trotuareve të reja, sistemimin e kanalizimeve të ujërave të bardha, instalimin e ndriçimit publik, gjelbërimin dhe vendosjen e sinjalistikës moderne rrugore.

Nevoja për investimin vjen si pasojë e degradimit të segmentit ekzistues, ku janë evidentuar dëmtime të asfaltit, gropa, çarje sipërfaqësore dhe trotuare jashtë standardeve. Rritja e numrit të banorëve dhe zhvillimi i zonave rezidenciale e industriale kanë shtuar ndjeshëm trafikun, duke e bërë të domosdoshëm përmirësimin e këtij aksi.

Një pjesë e rëndësishme e projektit lidhet edhe me përmirësimin e sistemit të kullimit, përmes ndërtimit të pusetave të reja dhe modernizimit të rrjetit ekzistues, me synimin për të shmangur problematikat e përmbytjeve gjatë reshjeve.

Me këtë investim, Bashkia e Tiranës synon të rrisë sigurinë rrugore, të përmirësojë aksesin për banorët dhe bizneset e zonës, si dhe të krijojë kushte më të mira për qarkullimin në një prej akseve më të frekuentuara që lidh kryeqytetin me korridorin Tiranë–Durrës./ CNA





Lajmet e fundit nga