web counter
LEXO PA REKLAMA!

SHKARKO APP

App Store
Google Play

E fundit!

x

"Nuk tërhiqemi asnjë hap përballë krimit"/ Hita viziton efektivin e plagosur në Maliq

16 Qershor 2026, 15:53, Aktualitet CNA

Drejtori i Përgjithshëm i Policisë së Shtetit, Skënder Hita, zhvilloi sot një vizitë në Spitalin e Traumës, ku ndodhet efektivi Edison Adri.

Ky i fundit mbeti i plagosur më datë 4 qershor, gjatë një operacioni të rrezikshëm në malin Boden të Maliqit nga shtetasi me precedentë penalë Violand Braçellari.

Në fjalën e tij, Hita u shpreh se efektivët që u shërbejnë qytetarëve do të kenë gjithmonë mbështetje nga institucioni përballë sfidave me të cilat hasen.

"Erdha sot këtu për të të shtrënguar dorën, Edison, për të të uruar shërim sa më të shpejtë dhe për të të shprehur mirënjohjen më të thellë për guximin, përkushtimin dhe trimërinë e jashtëzakonshme që tregove gjatë përballjes me rrezikun. Humbja e kolegut tonë të shtrenjtë, Enea Mekolli, i cili ra në krye të detyrës dhe sot është Dëshmor i Atdheut, është një dhimbje e madhe për të gjithë familjen e Policisë së Shtetit. Fatmirësisht, ti i mbijetove sulmit me armë dhe sot je mes nesh, duke na dhënë forcë dhe shpresë. Mbështetja jonë, por edhe e qytetarëve që respektojnë ligjin dhe duan rendin e sigurinë, do të jetë e palëkundur për ty dhe për familjen e Eneas. Dua t’i garantoj të gjithë punonjësit e Policisë së Shtetit që shërbejnë çdo ditë me integritet dhe sakrificë, se do të kenë gjithmonë mbështetjen time të plotë, në çdo kohë dhe përballë çdo sfide. Qytetarëve u garantoj se, pavarësisht rrezikut dhe kostove njerëzore që kjo luftë mund të sjellë, ne nuk do të tërhiqemi asnjë hap përballë krimit. Do të vazhdojmë të jemi në vijën e parë, me vendosmëri, profesionalizëm dhe dinjitet, për të luftuar krimin dhe për të garantuar sigurinë e qytetarëve",-tha Hita./CNA





Lajmet e fundit nga