web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e Kos për investimet e huaja/ Reagon Rama: Ka folur qartë për të gjithë

16 Qershor 2026, 09:59, Aktualitet CNA

Deklarata e Kos për investimet e huaja/ Reagon Rama: Ka folur qartë

Kryeministri Edi Rama, me anë të një postimi në rrjetet sociale, ka ndarë fjalimin e komisioneres Marta Kos në lidhje me investimet në vend.

Krahas fjalës së Kos, Rama shkruan se Komisioni Europian është njohur në detaje me procesin administrativ për investimet në Sazan dhe Zvërnec.

Rama shprehet se komisionerja Kos ka folur qartë për të gjithë ata që duan t’u referohen fakteve.

 

“Komisioni Europian është njohur në detaje me procesin e dokumentuar administrativ lidhur me Sazanin e Zvërnecin dhe vetë Komisionerja Marta Kos ka folur qartë për të gjithë ata që duan t’u referohen fakteve”, shkruan Rama.

 

Ditën e djeshme, Komisionerja e Zgjerimit, Marta Kos, e pyetur për investimet në Zvërnes tha se BE ka marrë siguri nga qeveria shqiptare se do të kryhet vlerësim i plotë i ndikimit në mjedis dhe do të respektohen standardet europiane.

Kos tha se investimet e huaja janë të rëndësishme për çdo vend që është kandidat për anëtarësimin në BE.

“Kemi marrë siguri nga qeveria e Shqipërisë se do të kryhet një vlerësim i plotë i ndikimit në mjedis dhe se do të respektohen standardet europiane mjedisore. Ajo që po ndodh ndërsa Shqipëria është në proces anëtarësimi është e rëndësishme. Ky proces është ligjërisht dhe politikisht i detyrueshëm dhe i nënshtrohet shqyrtimit dhe vlerësimit të vazhdueshëm. Kjo ofron garancinë më të fortë se natyra dhe mjedisi i Shqipërisë do të mbrohen sipas standardeve europiane. Sa u përket investimeve të huaja, ato janë të rëndësishme për çdo vend kandidat dhe për shtetet anëtare. Për ne nuk ka rëndësi vetëm origjina e tyre, por nëse zbatohen në përputhje me legjislacionin e BE-së”, deklaroi Kos.

 





Lajmet e fundit nga