web counter
LEXO PA REKLAMA!

SHKARKO APP

App Store
Google Play

E fundit!

x

Rrjeti i goditur nga SPAK-u/ Si trafikuan shqiptarët 50 tonë kokainë brenda 3 viteve, në Amerikë dhe Europë

16 Qershor 2026, 14:43, Aktualitet CNA

Rrjeti i goditur nga SPAK-u/ Si trafikuan shqiptarët 50 tonë

SPAK-u në njoftimin zyrtar të bërë për goditjen e rrjetit të trafikimit të kokainës ka zbuluar edhe detaje se si bëhej trafiku.

Nga hetimet e realizuara ka rezultuar se për periudhën 2019-2021, grupi ka trafikuar të paktën 50 tonë kokainë në Amerikën Latine, Brazil, Belgjikë dhe Holandë.

SPAK-u bën me dije se nga hetimet janë provuar 5 episode të trafikimit të kokainës në sasi të mëdha. Gjatë këtyre 5 episodeve janë sekuestruar në total 8.9 tonë lëndë narkotike kokainë, për periudhën 2019-2021.

Përveç këtyre 5 episodeve, SPAK-u bën me dije se anëtarët e grupit kanë trafikuar dhjetëra tonelata të tjera kokainë, nga e cila kanë përfituar të ardhura të konsiderueshme.

Prokurorë të kësaj çështjeje janë Klodjan Braho dhe Doloresa Musabelliu.

Sa u përket urdhër-arresteve të lëshuara, një pjesë e tyre nuk janë ekzekutuar nga policia pasi nuk janë gjendur. Dyshohet se prej kohësh këta persona jetojnë jashtë Shqipërisë.

 

 

Njoftimi i SPAK-ut

 

Trafikimi ndërkombëtar i lëndëve narkotike                                                                                                              

Gjatë viteve 2019-2021, ky grup ka operuar në Amerikën Latine, Brazil, Belgjikë dhe Holandë. Nga hetimet e kryera është krijuar dyshimi se të hetuarit kanë trafikuar për periudhën e mësipërme të paktën 50 ton kokainë.

Gjatë hetime janë mbledhur provat e nevojshme, prej të cilave janë provuar 5 episode të trafikimit të kokainës në sasi të mëdha. Gjatë tyre janë sekuestruar në total 8 ton e  960 kg lëndë narkotike e llojit kokainë dhe konkretisht:

Episodi 1 – 11 Maj 2020 – Trafikimi i një sasie prej 700 kilogramë lëndë narkotike të llojit kokainë, e sekuestruar  në portin e Waasland (Antverp), Belgjikë, e gjetur në një kontejner me pjesë këmbimi makinash, i shkarkuar nga një anije e ardhur nga Kina.

Episodi 2 –   6 Qershor 2020 – Tentativa e trafikimit të një sasie prej 2010 kilogramë lëndë narkotike e llojit kokainë, e sekuestruar në Guayaquil, Ekuador. Lënda narkotike  kishte si destinacion përfundimtar të saj Holandën dhe  kishte të stampuar tre logo të ndryshme (Jaguar, Shqiponjë dhe BB).

Episodi 3 – 16 Gusht 2020 – Trafikimi i një sasie prej 1100 kilogramë lëndë narkotike e llojit kokainë, e sekuestruar në  Roterdam të Holandës. Kjo ngarkesë kishte mbërritur në portin e Roterdamit me një anije detare nga Porti i Guayaquil, Ekuador.

Episodi 4 – 16 Dhjetor 2020–  Trafikimi i një sasie prej 4.1 ton lënde narkotike kokainë, e sekuestruar në portin e Roterdam, Holandë. Kjo ngarkesë kishte mbërritur në portin e Roterdamit me një anije detare nga Porti i Guayaquil, Ekuador.

Episodi 5 – 03 shkurt 2021–  Tentativa e trafikimit të një sasie prej 1 ton e 50  kg lënde narkotike kokainë, e sekuestruar në Kolumbi me destinacion final Francën .

Hetimet kanë treguar se përveç episodeve të mësipërme, anëtarët e grupit kriminal kanë trafikuar nga Amerika Latine në drejtim të vendeve të Europës dhjetëra tonelata të tjera kokainë, e cila është trafikuar dhe tregtuar te persona të tjerë. Nga realizimi i kësaj veprimtarie janë siguruar të ardhura të konsiderueshme.





Lajmet e fundit nga