web counter
LEXO PA REKLAMA!

SHKARKO APP

App Store
Google Play

E fundit!

x

“Punë e përditshme për besueshmëri nga publiku”/ Braho: Vetingu, proces historik për sistemin e drejtësisë

17 Qershor 2026, 12:03, Aktualitet CNA

“Punë e përditshme për besueshmëri nga publiku”/

Kreu i SPAK-ut, Klodjan Braho, e cilësoi sot procesin e vetingut si historik për funksionimin e procesit të drejtësisë.

Në fjalën e tij gjatë ceremonisë përmbyllëse të vlerësimit të gjyqtarëve dhe magjistratëve, Braho u shpreh se SPAK-u ka ushtruar me kompetencë këtë përgjegjësi, përmes zhvillimit të 139 seancave.

Sipas kreut të Prokurorisë së Posaçme, standardet e vlerësimit reflektohen edhe në ato që SPAK-u përdor ndaj prokurorëve dhe hetuesve, që siç tha, nuk janë elementë formalë, por të domosdoshëm për të krijuar besimin e publikut te drejtësia.

Më tej, Braho shtoi se besimi i publikut nëe sistemin e drejtësisë nuk fitohet një herë e përgjithmonë, por me punën e përditshme të prokurorëve dhe gjyqtarëve.

“Sot shënohet një moment i veçantë për sistemin e drejtësisë. Përfundon një nga proceset më të vështira dhe më të rëndësishme. Procesi i vetingut u krijua në një moment historik për hetuesit dhe prokurorët. Standardet reflektohen edhe në standardet që SPAK-u përdor ndaj punonjësve, që nuk janë elementë formalë, por të domosdoshëm për të krijuar besimin e publikut te drejtësia. Shpreh vlerësimin edhe te bashkëpunëtorët ndërkombëtarë. E kemi ushtruar këtë kompetencë, zhvilluan 139 seanca në Gjykatën e Apelimit. U arrit pjekuria e nevojshme dhe konfirmimi i tyre nuk mund të vlejë në të ardhmen. Besimi i publikut nuk fitohet një herë e përgjithmonë, por me punën e përditshme të prokurorëve dhe gjyqtarëve. Integriteti i sistemit të drejtësisë mbrohet me standarde në hetime dhe përgjegjësi para ligjit. Tani është detyra jonë t’i zbatojmë në respekt të ligjit dhe Kushtetutës”,-tha Braho./CNA





Lajmet e fundit nga