web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i deputetit: Edi Rama ka krijuar policinë e internetit, po kërcënohen qytetarët

17 Qershor 2026, 16:02, Aktualitet CNA

Deputeti i PD-së Belind Këlliçi ka publikuar mesazhet që një qytetare ka marrë vetëm sepse ka bërë një koment kundër kryeministrit Edi Rama në rrjetet sociale.

Deputeti thotë se, Rama ka mobilizuar strukturat dhe patronazhistët për të kërcënuar qytetarët, duke thënë se ka krijuar kështu policinë e internetit.

Këlliçi u ka bërë thirrje qytetarëve që të bëjnë publike të gjitha rastet e atyre banditëve që i kërcënojnë.

“Mobilizimi nën armë që Edi Rama i ka bërë patronazhistëve duke i sulur kundër kritikëve, komentuesve online, apo protestuesve, është dhuna që po ndodh në Tiranë e kudo në Shqipëri.

Ky mesazh i dërguar sot ndaj një qytetareje që ka shprehur mendimin e saj lirisht, pa fyer askënd, thjeshtë sepse ka komentuar kryeministrin, tregon organizimin dhe agresivitetin e skuadroneve të Edi Ramës kudo.

Patronazhisti me profil anonim, se emrin dhe mbiemrin nuk ka kurajo ta shfaqë, i kërkon të heqë urgjent komentin kritik për Ramën, duke i thënë se e njeh se ku banon, madje e me çfarë merret dhe çfarë biznesi ka!

Pas inspektoriateve e strukturave represive që ka kudo në terren, që hakmerren e ndëshkojnë armiqtë e partisë, Edi Rama ka krijuar tanimë dhe policinë e internetit!

Kjo është një ngjarje shumë e rëndë.

I ftoj qytetarët të reagojnë e të bëjnë publike kërcënimet që marrin nga patronazhistët e Edi Ramës.

Ne jemi këtu dhe do të ngremë zërin e do të qendrojmë në çdo rast, në mbrojtje të lirisë e të drejtave të njerëzve.

Denonconi këdo banditë, të fshehur apo jo pas tastierës dhe profileve anonime, në mënyrë që kjo e keqe e madhe që ka kapluar vendin, të ç’rrënjoset një herë e mirë!”, denoncon Këlliçi./ CNA

Denoncimi i deputetit: Edi Rama ka krijuar policinë e internetit, po





Lajmet e fundit nga