web counter
LEXO PA REKLAMA!

SHKARKO APP

App Store
Google Play

Shtrëngohen masat për shoferët/ Kuvendi miraton ndryshimet në Kodin Rrugor

18 Qershor 2026, 19:17, Aktualitet CNA

Shtrëngohen masat për shoferët/ Kuvendi miraton ndryshimet

Krahas Amnistisë Penale, Kuvendi ka miratuar këtë të entje me 84 vota pro një paketë të rëndësishme ndryshimesh në Kodin Rrugor, të iniciuar nga deputetët socialistë Ulsi Manja dhe Erion Braçe.

Me këtë ndërhyrje legjislative, autoritetet synojnë shtrëngimin e masave ndëshkuese dhe rritjen e sigurisë në trafikun rrugor.

Një prej risive të paketës është vendosja e standardit të "tolerancës zero" për drejtuesit e mjeteve që janë në fillimet e karrierës së tyre si shoferë.

Për personat që kanë më pak se dy vite përvojë në drejtimin e automjetit, ligji i ri ndalon kategorikisht konsumimin e alkoolit.

Këta drejtues do të duhet të paraqiten në timon me nivel alkooli 0.0 për qind në gjak, në të kundërt do të përballen me sanksione të ashpra.

Ndryshimet prekin gjithashtu edhe drejtuesit problematikë që shkelin rregullat në mënyrë të përsëritur.

Sipas ndryshimeve të votuara, drejtuesit e mjeteve që kapen në mënyrë të përsëritur duke drejtuar automjetin në gjendje të dehur, me një përqendrim alkooli mbi 0.5 gram për litër gjak, do të ndëshkohen me heqjen përfundimtare të lejes së drejtimit.

Këto masa vijnë si një përpjekje e qeverisë për të frenuar numrin e aksidenteve rrugore të shkaktuara nga shkeljet e rënda të rregullave të qarkullimit./ CNA





Lajmet e fundit nga