web counter
LEXO PA REKLAMA!

SHKARKO APP

App Store
Google Play

“Udhëzim skandaloz i ministrisë”/ Mjeku Dasho: Gafa profesionale dhe gjuhësore, jo terapi hormonale te fëmijët

19 Qershor 2026, 10:25, Aktualitet CNA

“Udhëzim skandaloz i ministrisë”/ Mjeku Dasho: Gafa

Mjeku i njohur, Erion Dasho, ndau sërish qëndrimin e tij lidhur me nisjen e shërbimit të terapisë hormonale në vend.

Duke folur në "Syri TV", Dasho theksoi se Ministria e Shëndetësisë ka nxjerrë një udhëzim tejet të dobët.

Sipas mjekut, mjafton një vështrim i shpejtë i protokollit për të kuptuar se materialet kanë jo vetëm gafa nga ana gjuhësore, por edhe nga ana përcaktimeve mbi këtë shërbim.

Dasho e cilësoi si skandal pjesën e udhëzimit që nënkuptonte edhe dhënien e terapisë për fëmijët, gjë që sipas tij është tërësisht e ndaluar edhe në vende të Europës, si Britania e Madhe.

“I ka larë duart, siç themi ne në gjuhën e përditshme, nga ky vendim. Pra, tregon se ministrja vetë është nga ana profesionale e bindur që ky udhëzim është një udhëzim tejet i dobët. Tani është e paqartë nëse do të financohet ose jo nga buxheti i shtetit nëpërmjet Fondit të Sigurimit të Detyrueshëm të Kujdesit Shëndetësor. Për të mos thënë pastaj që mjafton ta lexosh protokollin dhe e kupton që është një material ku pjesë të tëra janë përkthyer me motor kërkimi online, nuk janë redaktuar në gjuhën shqipe, ka gafa gjuhësore dhe sigurisht një dokument i tillë nuk qëndron. Mbi të gjitha, dua të theksoj, pika më e rëndësishme dhe problemi më i madh i këtij protokolli është se në të nënkuptohet që ky shërbim, në qoftë se ofrohet, do t'u ofrohet edhe fëmijëve. Ky është një skandal, sepse jo më parë, jo më vonë se para dy viteve, ka dalë një raport shumë i hollësishëm i hartuar në Britaninë e Madhe nga një anëtare e Dhomës së Lordëve, ku përcaktohet dhe ku rekomandohet shumë qartë që terapitë jo të rikthyeshme, ku në vendet kryesore qëndron terapia hormonale, nuk duhet t'u ofrohen fëmijëve nën moshën 18 vjeç”,-u shpreh Dasho./CNA





Lajmet e fundit nga