web counter
LEXO PA REKLAMA!

SHKARKO APP

App Store
Google Play

E fundit!

x

Seanca në Administrative/ Mësohen pretendimet e Veliajt, ja çfarë kërkon avokati i prokurorit Dado

19 Qershor 2026, 14:30, Aktualitet CNA

Seanca në Administrative/ Mësohen pretendimet e Veliajt, ja

Prej orës 14:00 të kësaj të premteje po zhvillohet seanca gjyqësore në Gjykatën Administrative, ku kryebashkiaku i arrestuar i Tiranës, Erion Veliaj, ka paditur prokurorin e SPAK-ut, Ols Dado.

Mësohet se në seancë ka munguar përfaqësuesi nga Këshilli i Lartë i Prokurorisë, gjë që është komentuar edhe nga Veliaj.

“Ne nuk kemi një përgjigje nga ana e KLP-së, ajo investoi më shumë në terr sesa në dritë, KLP nuk është mbledhur kurrë për ankesën tonë, unë mendoj se më mirë në mungesë”,-ka thënë Veliaj.

Në mungesë të KLP-së, avokati i prokurorit Ols Dado ka kërkuar të vijojë gjykimi, pasi pretendimet tashmë janë dorëzuar.

Nga ana tjetër, avokati i kryebashkiakut, Plarent Ndreca, ka kërkuar “hapjen” e sallës së gjyqit, duke iu referuar pranisë së policisë.

“Seanca është publike. Çfarë do një polic i Policisë së Shtetit në këtë sallë gjyqi? Çfarë do kryesekretarja e gjykatës që vendos apo jo për lejmin e kamerave. Mbyllja hermetike e një gjykate, referuar Kushtetutes, ky proces duhet të jetë në sytë e publikut. Kjo është e papranueshme, i nderuar gjyqtar. Ka një udhëzim të KLGJ-së, që ju e përdorni si bazë ligjore”,-mësohet të ketë thënë Ndreca./CNA





Lajmet e fundit nga