web counter
LEXO PA REKLAMA!

SHKARKO APP

App Store
Google Play

Asnjë vendim unifikues/ Dështimi i Sokol Sadushit në krye të Gjykatës së Lartë

11 Nëntor 2025, 09:17, Aktualitet CNA

Asnjë vendim unifikues/ Dështimi i Sokol Sadushit në krye të

Më parë kemi referuar përqindjen e dosjeve, që gjykata që drejtohet nga Sokol Sadushi, i skarton dhe nuk i fut për shqyrtim.

Shifrat janë të konsiderueshme! Ato kërkojnë një shpjegim lidhur me standardet që aplikon Gjykata e drejtuar nga Sokol Sadushi, kur vlerëson dosjet të cilat skartohen/shqyrtohen.

 

Rasti i shqyrtimit të masës së sigurisë për kryebashkiakun Erion Veliaj për shembull, mund të shërbejë si indikator për të vlerësuar nëse kjo është një kategori ankimimi, për të cilën Gjykata e Lartë investohet sistematikisht, apo Veliaj dhe rasti i tij ka përfituar për shkaqe dhe kritere që nuk kishin lidhje me masën e sigurisë. Cilat janë ato?

Transparenca e kritereve është e domosdoshme edhe sepse vetëm përmes tyre sigurohet mosshpërdorimi i të drejtave. Rregullat dhe kriteret e seleksionimit janë dispozita antikorrupsion gjithashtu.

Si e ruan vreshtin Sokol Sadushi? Apo është i pari që i lëshohet rrushit e pas tij sheh rrushi rrushin në Gjykatën e Lartë?

Por kjo është vetëm njëra anë e medaljes sa i takon mënyrës se si Sokol Sadushi, kryetari i Gjykatës së Lartë të dalë nga drejtësia e re, ka ushtruar lidershipin e tij në krye të organit në emër të të cilit ngjitet e flet në çdo tribunë. Ana tjetër është edhe më e rëndë sesa kaq!

Në frymën dhe strategjinë e kompozimit dhe kompetencave të Gjykatës së Lartë të rinovuar nga reforma, veprimtaria kryesore që duhet të kryhej nga Gjykata e Lartë, ishte nxjerrja e vendimeve unifikuese.

Vendimet unifikuese do të ndihmonin edhe shpejtësinë e trajtimit të asaj kategorie çështjesh të rregulluara nga vendimi unifikues në gjithë piramidën e sistemit, që nga Shkalla e Parë.

Vendimi unifikues do të thotë edhe zbatim të njëjtë të ligjit nga çdo gjykatë, në çdo territor.

Vendimi unifikues do të skartonte automatikisht një listë të gjatë çështjesh, të cilat nuk do kishin më nevojë të kërkoheshin të zgjidheshin në Gjykatën e Lartë. Sepse Gjykata e Lartë do ta kishte nxjerrë qëndrimin lidhur me to!

Sokol Sadushi është emëruar në Gjykatën e Lartë në vitin 2020. Menjëherë më pas u zgjodh zëvendëskryetar dhe prej vitit 2023 është kryetar fuqiplotë i Gjykatës së Lartë.

Asnjë vendim unifikues nuk është nxjerrë që nga dita që Sokol Sadush reformatori, ka vënë këpucët në zyrën e Gjykatës së Lartë.

Është e qartë tashmë që Sokol Sadushi nuk ka kohë të merret me çështje në të mirë të punës.

I përfshirë aktivisht në identifikimin e skemave se si duhej kapur gjithë sistemi, nuk i mbetej kohë të bënte punën e vet.

Është e qartë që një kryetar i Gjykatës së Lartë, që rri gjithë ditën duke vrarë mendjen se si do “rregullojë” Gjykatën Kushtetuese, s'ka kohë të merret me hallet e Gjykatës së Lartë! Por kur mendon që këtë e bën vullnetarisht, pasi asnjë ligj nuk i jep detyrë të merakoset për Gjykatën Kushtetuese, do duhet t’ia quash që punon edhe jashtë orarit!

Ky tullumbac që sa herë ngjit shkallët e Gjykatës Kushtetuese, e ndien veten Zot jo vetëm të asaj godine, nuk ka bërë asgjë që të bëjë diferencën lidhur me standardin e drejtimit të Gjykatës së Lartë. Por sado inat ta kesh një standard duhet ta pranosh që e kapi!

Kapi si standard atë të falsifikimit në zyrë të Gjykatës së Lartë dhe në karrigen e kreut të KED, të cilën e përfitoi për shkak të funksionit në Gjykatën e Lartë.

Ndaj Sokol Sadushi nuk unifikon dot! Sepse unifikimi përveçse do mend, do edhe shpirt shtetari.

Shikojeni se si krekoset sa herë ngjit shkallët e gjykatës dhe i keni parë të gjitha!/CNA





Lajmet e fundit nga