web counter
LEXO PA REKLAMA!

SHKARKO APP

App Store
Google Play

E fundit!

x

Sadushi pranon vetëm 19% të rekurseve penale të shqiptarëve, plus Erion Veliajn

5 Nëntor 2025, 14:08, Aktualitet CNA

Sadushi pranon vetëm 19% të rekurseve penale të shqiptarëve,

Gjykata e Lartë e Sokol Sadushit vit pas viti ka marrë gjithnjë e më shumë fytyrën e kryetarit Sadushi.

Dhe kjo vlen edhe për statistikat e hedhjes në kosh të dosjeve si të padenja për aristokracinë juridike që zhvillohet në Gjykatën e Lartë.

Kështu, nëse shifrat e shqyrtimit të rekurseve në çështje administrative kanë qenë rregullisht mbi 70%, me një mesatare prej 74%, ku rekordin e mbante viti 2023 me 78%, në Penale shifrat dallojnë për një kapërcim domethënës.

Në vitin 2023, Gjykata e Lartë ka pranuar për shqyrtim vetëm 49% të rekurseve me lëndë penale.

Por në vitin 2024 kjo shifër është 19%.

Nëse vërejmë trendin, ai është vetëm në rritje të përqindjes për dosjet që hidhen në koshin e plehrave.

D.m.th. vit pas viti, pranohen pak e më pak dosje për shqyrtim.

Vetëm 19% e shqiptarëve që halli i ka drejtuar te Gjykata e Lartë e Sadushit, për një çështje me drejtësinë, kanë hyrë në shqyrtim në Kolegjin Penal në vitin 2024.

Nuk e dimë dot sot, ndaj nuk bëjmë dot analizë, se për cilat dosje dhe për çfarë veprash penale bëhet fjalë. Nuk dimë dot as se si ka vepruar Gjykata e Lartë me shqyrtimin e tyre. Për shembull sa i ka ndryshuar e sa i ka kthyer pas. Nuk dimë as për çfarë veprash penale bëhet fjalë dhe cilët janë të pandehurit fatlumë.

Aq më pak nuk dimë se cili është kriteri se si i ka përzgjedhur Sadushi dosjet. Sadushi këtë nuk e tregon!

Por dimë një rast të cilin ia vlen ta analizojmë! Mbase kuptojmë edhe kriterin... Ose të paktën njërin syresh!

Erion Veliaj bëri rekurs në Gjykatën e Lartë ku kërkonte ndryshimin e masës së arrestit me burg. Erion Veliajt iu pranua rekursi!

Sa çështje ku kërkohet e njëjta gjë pranohen nga Gjykata e Lartë?

Apo Gjykata e Lartë pranon dhe fut për shqyrtim të gjitha çështjet ku kërkuesi ankimon dhe kërkon ndryshimin e masës së sigurisë arrest me burg?

Si lali Eri ka të tjerë?

Nëse ka, por ata trajtohen ndryshe, cili është kriteri që dallon njërin nga tjetri? Avokati? Apo "other strong arguments", që janë të panjohura për publikun dhe nuk gjejnë shpjegim as nga dokumentet e raportet zyrtare të Gjykatës së Lartë, që personifikohet dhe flet vetëm me vokalin e Sadushit?

Kolegji Penal i Gjykatës së Lartë la në fuqi masën e sigurisë për Erion Veliajn.

Por cili na qenka pra kriteri që përzgjedh Sadushi, kur në fund të shqyrtimit asgjë nuk ndryshoi?

Do të ishim mendjehapur për opsione nëse masa e lalit do të kishte ndryshuar në Gjykatën e Lartë. Atëherë do të thoshim, kriteri do të jetë parregullsia që konstatohet në dosje. Por masa nuk ndryshoi!

Cilat janë vallë kriteret që aplikon Gjykata Sadushi për hedhjen në kosh ose pranimin e shqyrtimit në Kolegjin Penal të rekurseve? Çfarë i bashkon ato çështje që përbëjnë 19% të rekurseve që meritojnë të kapërcejnë tavolinën e Sadushit?

Sa kohë kriteret mbahen të fshehta, (me 81% siguri nuk ekzistojnë), atëherë kjo ka vetëm një shpjegim! Quhet abuzim me postin ose më keq, korrupsion dhe trafik influencash.

Sokoli për dreq e ka që në emër ofertën "sa dush"./CNA





Lajmet e fundit nga