E fundit!

17:29 Kosova & Bota

Hetimi zbulon dështimet e Britanisë gjatë pandemisë së Covid-19/ U shpërdoruan rreth 10 miliardë paund për pajisje mbrojtëse

Një hetim për menaxhimin e pandemisë Covid-19 në Mbretërin...

Edhe sulmet kundër presidentit të dirigjuara nga Sadushi

4 Nëntor 2025, 15:00, Aktualitet CNA

Sokol Sadushi ka ndërtuar një skemë sipas së cilës borxhi lahet me dalje publike në favor të porosisë dhe lobimit që ka nëpër duar Sadushi.

Sekuenca më domethënëse ishte në një prononcim të djeshëm kur analisti Arjan Curri po fliste për vendimin e Gjykatës Kushtetuese.

“Unë pashë sot që gjyqtarët e majtë dhe një e djathtë votojnë pro Veliajt. Ka një strategji të vetë Ramës për ta lehtësuar Veliajn duke i rënë nga ana e drejtësisë për ta liruar politikisht.

Unë e shoh sërish Ramën si regjisor, sepse Ramës, sipas meje, nuk i duheshin zgjedhje për Tiranën. Ai ndryshon strategjinë kur e di që nuk ka komoditet për drejtimin e vendit. Të kishte dhe zgjedhje do të ishte një kokëçarje shumë e madhe. Vendimi i gjykatës është politik”, tha Curri.

Por ndërsa Curri fliste për vendimin e gjykatës që rrëzoi vendimin e Këshillit të Ministrave, të tjerët flisnin për rrëzimin e dekretit të Begajt.

U desh ndërhyrja e Currit që të kujtonte që Erion Veliaj kishte ankimuar vendimin e Këshillit të Ministrave që e shkarkonte. Nuk e shkarkonte dekreti. Dhe që dekreti kishte dalë më pas në rend konsekutiv me vendimin e shkarkimit. U thirri edhe kujtesës së bashkëbiseduesve, por ata “nuk e kujtonin këtë fakt”.

Sulmi ndaj presidentit dhe dekretit të presidentit është një tjetër sulm i dirigjuar nga Sokol Sadushi kundër institucioneve kushtetuese të Republikës.

Kanakaret dhe kanakarët e Sadushit në media, që i kanë borxhe ose i pret një hall për t’u zgjidhur në Gjykatën e Lartë, i lëpihen kësisoj Sadushit.

Kur dikush u kujton se nuk ishte dekreti, por vendimi i qeverisë që u ankimua nga Veliaj, bëjnë sikur nuk kujtojnë.

Është e qartë që nuk ka një hatër për parime të Sadushit me Begajn. Me sa duket Sadushit i paska mbetur hatri i zi me presidentin. Do t'ia ketë thyer zemrën diku me sa duket./CNA