web counter
LEXO PA REKLAMA!

SHKARKO APP

App Store
Google Play

Afera e inceneratorit të Tiranës/ SPAK kërkon 5 vite burg për Bllakon

4 Nëntor 2025, 10:09, Aktualitet CNA

Afera e inceneratorit të Tiranës/ SPAK kërkon 5 vite burg

Prokuroria e Posaçme kërkon dënimin me 5 vite burg të ish-sekretarit të Përgjithshëm në Ministrinë e Mjedisit, Alqi Bllako, për aferën e inceneratorit të Tiranës. 

Prokurori Dritan Prençi ka kërkuar shpalljen fajtor të Bllakos për korrupsion pasiv në dy raste.

Sipas SPAK-ut, Bllako ka ndërhyrë në mënyrë korruptive për lidhjen e kontratës koncesionare të vitit 2017 për “Ndërtimin e landfillimit, inceneratorit dhe rehabilitimit të venddepozitimeve ekzistuese, Tiranë”, mes Ministrisë së Mjedisit dhe shoqërisë koncesionare “Integrated Energy B.V SPV” sh.p.k.

Bllako, në cilësinë e sekretarit të Përgjithshëm të Ministrisë së Mjedisit, ka përfituar vlerën monetare prej 119.715 eurosh.

Këto para, ish-sekretari i Ministrisë së Mjedisit i ka marrë nga Klodian Zoto dhe Mirel Mërtiri për të blerë makineri për mbushjen, mbylljen, vulosjen dhe certifikimin e shisheve, makineri për gazifikimin e pijeve.

Nëse Bllako dënohet do të përfitojë gjykim të shkurtuar me vite 3.4 vite burg dhe për 5 vite nuk do të ushtrojë funksione publike.

Apeli i Posaçëm vendosi më 23 korrik 2025 rikthimin për rigjykim të çështjes së ish-deputetit Alqi Bllako. /CNA





Lajmet e fundit nga