web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Kushtetueses për Veliajn/ Shehaj "zbërthen" mesazhin e Ramës

3 Nëntor 2025, 19:58, Aktualitet CNA
Vendimi i Kushtetueses për Veliajn/ Shehaj "zbërthen"
Agron Shehaj

Kreu i Partisë "Mundësia" Agron Shehaj ka reaguar pas vendimit të Gjykatës Kushtetuese e cila rrëzoi Ramën duke pranuar ankimin e Veliajt.

Shehaj përmes rrjeteve sociale thotë se Gjykata Kushtetuese është vegël e Edi Ramës ndërsa ka zbërthyer dhe mesazhin e Ramës.

“Gjykata Kushtetuese vegël e Edi Ramës! Mesazhi është: Të qenit i korruptuar, nuk është arsye për të lënë detyrën. Dhe kjo do të vlejë edhe për Edi Ramën nesër.

Vetëm në Shqipëri mund të ndodhë që Gjykata Kushtetuese na thotë që një kryetar bashkie, i cili është i arrestuar dhe në burg për korrupsion, duhet të vazhdojë të qëndrojë në krye të detyrës.

Por, mesa duket, kjo i intereson Edi Ramës dhe, nëse Edi Rama do që mos të bëhen zgjedhjet në Tiranë, Gjykata Kushtetuese merr vendim në favor të Edi Ramës. Ka dhe një çështje tjetër shumë të rëndësishme.

Edi Rama ka nevojë t’i thotë të gjithëve që të jesh i akuzuar për korrupsion dhe në burg me akuzë për korrupsion, sipas Edi Ramës, nuk është arsye për të dhënë dorëheqje dhe për t’u larguar. Kjo vlen për Erjon Veliajn sot, por vlen gjithashtu për Ballukun dhe mund të vlejë edhe për Edi Ramën nesër, kur Edi Rama vetë të jetë në hetim për korrupsion”, ka deklaruar Shehaj./ CNA





Lajmet e fundit nga