web counter
LEXO PA REKLAMA!

SHKARKO APP

App Store
Google Play

Apeli i GJKKO-së rikthen për rigjykim çështjen e Alqi Bllakos

23 Korrik 2025, 15:27, Aktualitet CNA

Apeli i GJKKO-së rikthen për rigjykim çështjen e Alqi

Apeli i Posaçëm ka vendosur sot rikthimin për rigjykim të çështjes së ish-deputetit Alqi Bllako.

Çështja do të gjykohet sërish nga një trupë tjetër gjyqësore e GJKKO-së. 

Bllako është i dënuar me 4 vite burg lidhur me hetimet për inceneratorin e Tiranës, ku ish-deputeti akuzohet për korrupsion pasiv të funksionarëve të lartë.

“Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Saida Dollani (kryesuese), Miliana Muça (anëtare) dhe Tereza Merkaj (anëtare),  më datë 23.07.2025, shpalli vendimin lidhur me çështjen e regjistruar me nr. 50 akti, datë 17.06.2025 regjistrimi, mbi ankimin e paraqitur nga Prokuroria e Posaçme kundër Korrupsionit dhe Krimit të Organizuar dhe ankimin e paraqitur nga i pandehuri A.B., ndaj vendimit nr. 22, datë 11.03.2025 të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:

Prishjen e vendimit nr. 22, datë 11.03.2025 të Gjykatës së Posaçme të Shkallës së Parë për Korrupsionin dhe Krimin e Organizuar, duke u urdhëruar dërgimi i akteve për gjykim një kolegji tjetër të së njëjtës gjykatë”,-thuhet në njoftim./CNA 

 

 

 

 

 





Lajmet e fundit nga