web counter
LEXO PA REKLAMA!

SHKARKO APP

App Store
Google Play

Gara për drejtorin e BKH-së/ Zhvillohet faza e tretë, testimi me shkrim

22 Korrik 2025, 14:34, Aktualitet CNA

Gara për drejtorin e BKH-së/ Zhvillohet faza e tretë, testimi me

Ditën e sotme është zhvilluar faza e tretë e përzgjedhjes së drejtuesit të BKH-së.

Faza e sotme ka qenë ajo e testit me shkrim. SPAK njofton se të dy testet zgjatën 1 orë e 45 minuta në total, me nga 30 pikë secili test.

 

Njoftimi i SPAK

Faza e tretë e procesit të përzgjedhjes së Drejtorit të BKH-së – Testi me shkrim

Në përputhje me ligjin nr. 95/2016, sot u zhvillua faza e tretë e përzgjedhjes së Drejtorit të Byrosë Kombëtare të Hetimit (BKH), përkatësisht provimi i zgjeruar me shkrim (eseja) dhe testi për arsyetimin logjik.

Shtatë kandidatët e kualifikuar nisën testin në orën 11.00, në ambientet  e Strukturës së Posaçme kundër Korrupsionit dhe Krimit të Organizuar.

Të dy testet zgjatën 1 orë e 45 minuta, përkatësisht eseja, 60 minuta dhe testi i arsyetimit logjik, 45 minuta.

Rregullorja për përcaktimin e procedurave të përzgjedhjes së kandidatit për Drejtor të BKH-së parashikon vlerësimin me 60 pikë për të dy testet, pra 30 pikë për secilin.

Procedura e testeve u zhvillua nën vëzhgimin e anëtarëve të Komisionit të Përzgjedhjes, vëzhguesve ndërkombëtarë dhe stafit teknik mbështetës.

Në përfundim të këtyre fazave të para; testit të aftësive fizike, provimit të zgjeruar me shkrim (esesë) dhe testit për arsyetimin logjik, Komisioni i Përzgjedhjes do të rendisë kandidatët e kualifikuar, të cilët do të vijojnë me fazat e tjera të konkurrimit.

Testi i ardhshëm është ai i poligrafit dhe intervistës në panel, i cili ndiqet nga faza e verifikimit të figurës dhe deklarimit të pasurisë nga Komisioni i Verifikimit të Pasurisë dhe Figurës.

 

 

Në garë për kreun e Byrosë Kombëtare të hetimit janë 7 kandidatë, Andi Pogaçe, Gledis Nano, Artur Beu, Gentjan Shehaj, Joni Keta, Elton Kërluku dhe Gentian Ndoi.

Mandati i kreut aktual të BKH, Aida Hajnaj përfundon në gusht 2025./ CNA





Lajmet e fundit nga