web counter
LEXO PA REKLAMA!

SHKARKO APP

App Store
Google Play

E fundit!

x

Lala: Ka pasur raste kur prokurorët kanë larguar fëmijët nga vendi prej krimit të organizuar

21 Korrik 2025, 22:16, Aktualitet CNA

Lala: Ka pasur raste kur prokurorët kanë larguar fëmijët nga

Gazetarja Klodiana Lala u shpreh sot lidhur me mandatin e prokurorëve të Prokurorisë së Posaçme.

Lala tha se  prokurorët e SPAK duhet të kenë status të përjetshëm për tu garantuar pavarësi.

Sipas gazetares, ka pasur raste kur prokurorë kanë larguar fëmijët nga Shqipëria për shkak të rrezikut nga krimi i organizuar.

“Mandati është 9 vjeçar, diskutimi është do të pushojë të funksionuari pas 9 vitesh? Jam e mendimit që parë historinë e vendeve të zhvilluara, SHBA e ka me status të përjetshëm, edhe Britania. Vetëm duke i garantuar pavarësi prokurori dhe gjyqtari guxon të prekë të paprekshmit. Nëse historia e mandateve mbetet e kufizuar dhe diskutimi mund të jetë, diku mes reshtash ministri i drejtësisë tha se funksionimi i SPAK është vetëm 9 vite dhe dukej sikur mandatin e prokurorëve e lidhte me përfundimin dhe kohëzgjatjen e përfundimit të SPAK.

Unë mendoj se prokurorët e SPAK duhet të kenë status të përjetshëm patjetër me disa vlerësime dhe kritere. Duhet të ketë prokurori statusin e përjetshëm. Një prokuror që shkon në SPAK ka plotësuar disa kritere, tani për të hetuar krimin e organizuar, është art më vete, jo të gjithë prokurorët mund të kenë kapacitetin dhe të përshtaten për hetimin e krimit të organizuar. A ka mes tyre nga ata që nuk duhet të jenë aty? Po, por ka mekanizma për këtë.

Kemi në SPAK prokurorë që kanë larguar fëmijët nga Universiteti, njëri nga fëmijët e një prokurori ka qenë në Gjermani, është ruajtur nga autoritetet gjermane, për shkak të rrezikut që i vinte nga krimi i organizuar. Në fund fare u kthye në Shqipëri, iu ndërpre në njëfarë mënyrë. Prandaj duhet t’i garantosh pavarësi. Në SPAK je prokuror i mbrojtur”,-tha Lala./CNA

 

 

 





Lajmet e fundit nga