web counter
LEXO PA REKLAMA!

SHKARKO APP

App Store
Google Play

E fundit!

x

Vijon zjarri në fshatin Vërnik të Devollit/ Futja në zonë, e pamundur për shkak të terrenit

21 Korrik 2025, 07:39, Aktualitet CNA

Vijon zjarri në fshatin Vërnik të Devollit/ Futja në

Vijon zjarri i përmasave të mëdha në Devoll. Fillimisht zjarri ka nisur në fshatin Vërnik. Më pas, për shkak të erës së fortë, zjarri është përhapur në masivin pyjor të fshatit.

Forca të shërbimit zjarrfikës të Bashkisë së Devollit, të policisë dhe shërbimit pyjor punuan për lokalizimin dhe mbajtjen nën kontroll të flakëve, por era e fortë gjatë orëve të mbrëmjes, bëri që zjarri të kalojë në fshatin Kapshticë.

Përparimi i flakëve me shpejtësi drejt pikës kufitare vuri në gatishmëri policinë e kufirit, e cila angazhoi dhjetëra forca në ndihmë të shërbimeve të tjera për të frenuar përhapjen e flakëve.

Në ndihmë të grupeve të punës kanë ardhur mjete dhe forca zjarrfikëse të bashkisë së Korçës, Maliqit dhe Pustecit por vënia në kontroll e flakëve është e vështirë jo vetëm për shkak të përmasave të mëdha të zjarrit, por edhe të terrenit të vështirë që e bën të pamundur futjen e mjeteve në zonë.

Grupet do të vijojnë të mbajnë në mbikëqyrje situatën ndërkohë që autoritetet lokale kanë komunikuar edhe me palën greke të cilët janë treguar të gatshëm të sjellin mjete dhe forca nëse do të ketë nevojë./ CNA





Lajmet e fundit nga