web counter
LEXO PA REKLAMA!

SHKARKO APP

App Store
Google Play

E fundit!

x

Muriqan, në 24 orë mbi 23 mijë hyrje-dalje/ Trafik dhe kaos në hyrje të qytetit të Shkodrës

19 Korrik 2025, 15:38, Aktualitet CNA

Muriqan, në 24 orë mbi 23 mijë hyrje-dalje/ Trafik dhe kaos

Doganat në veri të vendit po përballen me fluks të shtuar të hyrje-daljeve. Një prej më të ngarkuarave është ajo e Muriqanit. Aty, me qindra automjete dhe mijëra shtetas, kalojnë çdo ditë nëpërmjet kësaj pike kufitare.

Sipas të dhënave zyrtare të Drejtorisë Vendore për Kufirin dhe Emigracionin Shkodër, vetëm gjatë 24 orëve të fundit, konkretisht më datë 18 korrik 2025, në këtë pikëkalim janë përpunuar 22.121 shtetas, prej të cilëve 12.835 kanë hyrë në vendin tonë dhe 9.286 kanë dalë drejt Malit të Zi.

Nga hyrjet, një numër i konsiderueshëm prej 1.941 shtetasish kanë hyrë për qëllime turistike, duke konfirmuar interesin në rritje për pushimet verore në Shqipëri, veçanërisht në zonat e veriut dhe bregdetin e Velipojës apo Shëngjinit.

Fluksi ka qenë i lartë edhe një ditë më parë, më 17 korrik, kur janë përpunuar 19.093 shtetas, përkatësisht 10.102 në hyrje dhe 8.991 në dalje, ku 1.723 prej tyre kanë hyrë për arsye turistike. Por ky intensitet ka sjellë edhe pasoja të menjëhershme në qarkullimin rrugor.

Në aksin Shkodër–Muriqan është raportuar trafik i rënduar gjatë gjithë paradites dhe mesditës së sotme, ndërsa radhë të gjata mjetesh janë krijuar edhe në hyrje të qytetit të Shkodrës deri tek Harku i Bërdicës.

Shërbimet e Policisë Kufitare dhe ato të Qarkullimit Rrugor janë në terren, duke punuar me kapacitete të shtuara për të përballuar situatën. Nga ana e tyre, autoritetet apelojnë për mirëkuptim nga ana e qytetarëve dhe turistëve, ndërsa këshillojnë planifikim të udhëtimeve në orare më pak të ngarkuara.

Rritja e fluksit kufitar në Muriqan dhe në hyrje të Shkodrës lidhet ngushtësisht me shtimin e pushuesve që zgjedhin të kalojnë fundjavën apo pushimet verore në zonat turistike të Shqipërisë, por edhe shqiptarët që jetojnë jashtë vendit dhe vijnë për pushime pranë familjeve të tyre.

Pritet që në ditët në vijim ky fluks të rritet edhe më tej, sidomos në fundjavë, ku edhe rezervimet në hotelet e bregdetit verior janë më të larta./CNA





Lajmet e fundit nga