web counter
LEXO PA REKLAMA!

SHKARKO APP

App Store
Google Play

E fundit!

x

Zjarret masive në Dukat/ Ministria: Orë të vështira, 50 zjarrëfikës në terren

20 Korrik 2025, 16:31, Aktualitet CNA

Zjarret masive në Dukat/ Ministria: Orë të vështira, 50

Këtë të diel, përfaqësues nga institucionet e vendit kanë inspektuar në terren situatën me zjarret masive që kanë përfshirë zonën e Dukatit në Vlorë.

Të pranishëm ishin edhe ministri i Mbrojtjes Pirro Vengu dhe drejtori i Emergjencave Civile, Haki Çako.

Në fjalën e tij, ministri i Mbrojtjes Pirro Vengu bëri me dije se flakët janë përhapur në një territor të gjerë dhe se aktualisht janë 50 forca zjarrëfikëse në operacionin për shuarjen e flakëve në këtë zonë.

“Gjendemi këtu në lartësitë e Dukatit, ku prej disa ditësh në fakt kemi një situatë dhe një brez zjarri i cili ka rrezikuar në fakt një përhapje domethënëse. Që prej orëve të para të mëngjesit, kemi një ndërhyrje nga ajri dhe mbështetje nga toka me efektivë të Forcave të Armatosura, të Bashkisë Vlorë, të Pyjores së Vlorës, praktikisht 50 persona që janë në operacion e sipër sot në këtë zonë, në mënyrë që të krijohet një perimetër dhe të mund të parandalohet kalimi i këtij fronti zjarri në anën tjetër të Parkut të Llogarasë. Do jenë orë të vështira për efekt jo vetëm të termometrit, por edhe të erërave të forta që ka zona, ndaj duhet të ruajmë vigjilencën maksimale. Operacioni i mbështetjes nga ajri me helikopterët Cougar do të vijojë gjatë gjithë ditës në mënyrë që të kemi të gjithë instrumentet në dispozicion”,-tha ministri i Mbrojtjes Pirro Vengu./CNA





Lajmet e fundit nga