web counter
LEXO PA REKLAMA!

SHKARKO APP

App Store
Google Play

E fundit!

x

Vijon operacioni për shuarjen e zjarrit në Shkopet/ Kurti: Synojmë izolimin gjatë ditës së sotme

20 Korrik 2025, 12:40, Aktualitet CNA

Vijon operacioni për shuarjen e zjarrit në Shkopet/ Kurti:

Vijon prej më shumë se 14 orësh operacioni për shuarjen e zjarrit që ka përfshirë një sipërfaqe pyjore me pisha dhe lisa në fshatin Shkopet, te Kurbini. Flakët u shfaqën mbrëmjen e së shtunës në një Zonë të Mbrojtur Natyrore, duke shkaktuar rrezik për përhapje të mëtejshme, ndërsa është punuar deri në orët e vona të mbrëmjes për vënien nën kontroll të zjarrit.

Ndërkohë, që prej orës 06:00 të mëngjesit të së dielës, forcat tokësore kanë intensifikuar punën për izolimin dhe shuarjen e vatrave aktive, duke ndërhyrë në mënyrë të përqendruar në të dy krahët e vatrës së zjarrit dhe duke hapur korridore mbrojtëse mes zonës së prekur dhe asaj të paprekur. Për shkak të afërsisë me banesat dhe bizneset pranë rrugës nacionale Milot–Burrel, mjetet zjarrfikëse janë pozicionuar në këtë aks për të mbrojtur objektet e rrezikuara.

Vijon operacioni për shuarjen e zjarrit në Shkopet/ Kurti:

Për situatën foli dhe Eduart Kurti, zv.kryetari i Bashkisë Kurbin:

"Ndodhemi në fshatin Shkopet. Mbrëmë rreth orës 19:26 kemi marrë njoftim për rënien e zjarrit në masivin pyjor. Kryetarja e bashkisë së bashku me prefektin dhe rreth 50 efektivë kemi marrë masat së bashku me zjarrfikësit, të cilët na kanë ardhur në ndihmë zjarrfikësit e Lezhës, Mirditës, Krujës dhe Matit. Ushtria po ashtu na ka ndihmuar në shuarjen e zjarrit me një mjet. Sot, me ardhjen e 30 ushtarëve nga divizioni i Tiranës, të cilët aktualisht po ndihmojnë në izolimin e disa vatrave. Jemi drejt vënies nën kontroll të vatrave."

Në operacion janë angazhuar:

Rreth 50 forca bashkiake të Bashkisë Kurbin, të drejtuara nga nënkryetari;
30 trupa të Forcave të Armatosura dhe 2 efektivë të Policisë Ushtarake, me 4 mjete dhe 1 mjet shoqërimi;
3 mjete zjarrfikëse (nga Kurbin, Mat dhe një autobot nga Mirdita);
3 përfaqësues të AdZM;
Struktura të Drejtorisë Rajonale Veriore të AKMC dhe Institucioni i Prefektit të Qarkut Lezhë.
Përpjekjet në terren po përqendrohen në krehjen e plotë të zonës së djegur dhe në eliminimin e trungjeve dhe kërcunjve ende të ndezur, për të shmangur rindezjen e vatrave. /CNA





Lajmet e fundit nga