web counter
LEXO PA REKLAMA!

SHKARKO APP

App Store
Google Play

SPAK nuk i shtyu hetimet/ Mediat e Veliajt mashtruan

23 Korrik 2025, 14:37, Aktualitet CNA

SPAK nuk i shtyu hetimet/ Mediat e Veliajt mashtruan

Në disa media doli një lajm, një “fake news” i dirigjuar nga avokatë, studio ligjore afër Veliajt apo dhe vetë mediat e tij, se SPAK-u kishte shtyrë hetimet për kryebashkiakun e Tiranës. Një “fake news”, nuk ka shtyrje të afateve hetimore për kryebashkiakun e Tiranës, Erion Veliaj.

Sipas të dhënave të marra nga studiot e tjera ligjore, të cilat janë përfshirë në mbrojtjen e Erion Veliajt dhe klientëve të tyre, rezulton se SPAK-u ka njoftuar të gjitha subjektet e përfshira nën hetim, për përfundimin e hetimit, pra mbylljen e tyre, pasi nën hetim janë Erion Veliaj, Ajola Xoxa, Arbër Veliaj dhe subjekte të tjera.

Mësohet se SPAK-u i ka njoftuar të gjitha këto subjekte apo individë se janë mbyllur hetimet dhe dosja është çuar në gjykatë. Pra, nga sot çdo hetim i SPAK-ut në lidhje me një pjesë të dosjes së Erion Veliajt, quhet i mbyllur, pasi, siç thuhet nga informacionet zyrtare, dosja është ndarë. Apo siç quhet rëndom ka dhe fraksione.

SPAK ka mbyllur hetimet për Erion Veliajn, i ka çuar njoftimet zyrtarisht. Tashmë nuk ka afat shtyrjeje, por sipas ligjit avokatët kanë 10 ditë kohë për të bërë kërkesat e tyre dhe më pas janë edhe 30 ditë të tjera për të kryer veprimet. Duke qenë se është dhe muaji gusht përpara, duke qenë se janë dhe afatet ligjore, është çuar afati deri në datën 24 shtator. Por nuk është shtyrje hetimesh.

Shtyrje hetimesh nuk ka më, ato janë të mbyllura për pjesët e dosjes që është dërguar në gjykatë. Këto afate, pra 10 ditët e kërkesave, 30 ditët e tjera që u jep ligji avokatëve për procedurat, janë punë e avokatëve, pra e palës së pandehur në proces. Janë ata që tashmë duhet të bëjnë kërkesat, ka procedura dhe nuk ka një shtyrje të hetimeve. Hetimet janë mbyllur.

Lojërat se ka zgjatje hetimesh, se do të rrijë më shumë në burg edhe dy muaj të tjerë, janë thjesht dhe vetëm gënjeshtra. Hetimet janë mbyllur, çështja është çuar në gjykatë. Tani janë procedurat ligjore, që nga kërkesat që duhet të bëjnë avokatët apo 30 ditë janë për veprimet dhe kjo dihet edhe nga juristi më injorant. Por mediat e pushtetit, mediat e Erionit, kanë shpikur një shtyrje të hetimeve që në fakt është një gënjeshtër e madhe, e prodhuar sërish, mjafton të shikoni te gazeta “Tema” e Mero Bazes, ku edhe gjuha e përdorur është prapë ajo e teknikalitetit ligjor: pse rrodhi lajmi dje nga SPAK-u që Erionit i njoftohet akuza apo gënjeshtra se është shtyrë me dy muaj hetimi.

Kur në fakt nuk ka shtyrje hetimi dhe për daljen e lajmit sërish akuzojnë SPAK-un, por në fakt duhet të shohin në oborrin e tyre, atje ku në fakt SPAK kishte bërë dje dhjetëra e dhjetëra njoftime, sikundër dhe sot, se është mbyllur hetimi dhe Erioni Veliaj merret i pandehur së bashku me një grup personash dhe aktet i çohen gjykatës./ CNA





Lajmet e fundit nga