web counter
LEXO PA REKLAMA!

SHKARKO APP

App Store
Google Play

E fundit!

x

Sipas Kushtetueses së Sadushit, Veliaj shkarkohet vetëm po të ikë me pushime 3 muaj pa leje

4 Nëntor 2025, 14:06, Aktualitet CNA

Sipas Kushtetueses së Sadushit, Veliaj shkarkohet vetëm po të

Ka një shpurë të ethshme analistësh që janë vërsulur në media dhe po vlerësojnë vendimin e Gjykatës Kushtetuese. Asnjëri nuk analizon absurdin e vendimit të Gjykatës sonë Kushtetuese.

Gjykata Kushtetuese, praktikisht ka thënë se çdo shkarkim mund të bëhet vetëm për shkelje të rënda të Kushtetutës dhe si i tillë thotë Gjykata, është edhe mungesa për 3 muaj në punë.

Por pasi thotë atë që thotë vetë, na sqaron edhe se çfarë paskësh thënë ligjvënësi kur ka shkruar vetëm: "mungon 3 muaj në detyrë'.

Sipas anëtarëve të Gjykatës Kushtetuese, të paktën të atyre 5 ditëzinjve që votuan absurdin, legjislatori kur paska shkruar, "mungon 3 muaj", paska dashur të thotë "mungon 3 muaj pa arsye".

Sipas përfytyrimit të atyre 5 ditëzinjve që komandohen nga krimbi që po gërryen godinën e drunjtë të sistemit të drejtësisë, paska raste kur një i zgjedhur vendor si kryetar bashkie mungon 3 muaj pa arsye në punë.

Thjesht se ashtu i do qejfi!

Dhe jo vetëm që e përfytyrojnë vetë këtë, por përfytyrojnë që edhe ata që e kanë shkruar, diskutuar dhe votuar dispozitën, kanë pasur të njëjtin përfytyrim si ata.

Pra, po na shpjegojnë që me mungesën 3-mujore, kuptohet vetëm mungesa pa arsye.
Për shembull, Erion Veliaj ikën në plazh 3 muaj.

Çfarë fantazie idiote, mund të ketë pasur një ligjvënës, që sipas përfytyrimit të ditëzinjve të Gjykatës Kushtetuese, i paska shkuar nëpër mend që mund të ekzistonte edhe një opsion, që një i zgjedhur vendor, një ditë prej ditësh mund të mos i bëhet më vonë për postin dhe të mos shkojë në punë!

Dhe ngaqë u paska shkuar në mend ky opsion, paskan shkruar edhe një dispozitë, që e kërcënon kryebashkiakun me shkarkim, nëse ikën në plazh 3 muaj.

Mungesa pa arsye quhet mungesë pa leje? A mos e barazuan vetë me një nëpunës të thjeshtë kur përfytyruan këtë "mungesën pa arsye"?

Ka mbetur pa na thënë se kujt duhej t'i merrte leje që po ikte në plazh kryebashkiaku, që mungesa të mos quhej "pa arsye".
Por i kanë dhënë të drejtë Ramës që ta nisë edhe një herë nga fillimi procedurën e shkarkimit. Nuk është pak po ta mendosh gjatë! Mbase për të na shpjeguar pjesën tjetër!

Rama duhet ta nisë prapë nga fillimi procedurën, që kur të shkojë prapë te ditëzinjtë, ta rrëzojnë prapë për të na thënë më shumë.
Deri sot nuk kishte ngjarë që një kryebashkiak të mungonte mbi 3 muaj nga detyra.

Sot Gjykata Kushtetuese na tha që Veliaj mund të shkarkohet vetëm nëse shkon 3 muaj në plazh. Pa leje!

Ka vetëm një problem. Veliaj nuk ka shkuar në plazh!

Është pak në burg!/CNA 

 





Lajmet e fundit nga