web counter
LEXO PA REKLAMA!

SHKARKO APP

App Store
Google Play

E fundit!

x

Vetëm 30% e dosjeve shpëtojnë nga hedhja në kazanin e plehrave në Gjykatën e Sadushit

4 Nëntor 2025, 15:43, Aktualitet CNA

Vetëm 30% e dosjeve shpëtojnë nga hedhja në kazanin e

Mes ngrefosjes profesionale dhe shprehjes "vendimet që marr unë nuk guxon t’i ndryshojë njeri", ka një hetim që duhet bërë nga prokuroria dhe që prek në mënyrë të drejtpërdrejtë qytetarët shqiptarë që halli i përplas në Gjykatën e Lartë ku komandon Sadushi.

SPAK-u ka kompetencën dhe duhet të hetojë kriterin se si përzgjedh Sadushi, kur hedh në kosh ankimimet e shtetasve shqiptarë. Të hetojë për shembull se si paraqiten shifrat në evoluim të vendimeve të mospranimit nga viti në vit.

Për t'i ardhur në ndihmë, po i japim ca shifra të raportuara në raportet zyrtare Vjetore të Gjykatës së Lartë.

Gjatë vitit 2022 vendimet e mospranimit përbënin 74% të vendimmarrjes së përgjithshme të Gjykatës së Lartë, por nuk referohet ndarja sipas natyrës së çështjeve.

Gjatë vitit 2023 vendimet e mospranimit përbënin:

- 65% të vendimmarrjes së përgjithshme të Gjykatës.

Të ndara sipas natyrës së çështjeve ato zinin:

- 78% në çështjet administrative,

- 63% në çështjet civile dhe

- 51% në çështjet penale.

Për vitin 2024 vendimet e mospranimit përbënin 73% të vendimmarrjes së përgjithshme të Gjykatës.

Të ndara sipas natyrës së çështjeve ato zënë:

- 70% në çështjet administrative,

- 68% në çështjet civile dhe

- 81% në çështjet penale.

Këto shifra mund të analizohen edhe duke u krahasuar me njëra-tjetrën. Kështu shifra që i bashkon është një mesatare prej 70% e totalit që refuzohen të shqyrtohen.

Edhe brenda natyrës së çështjeve që pranohen mund të nxirren mesataret 3-vjeçare.

Por ajo që i bashkon së tepërmi është se raportet e Sokol Sadushit nuk sqarojnë se çfarë u ka ndodhur këtyre 70% të dosjeve që hidhen në kosh.

Në tri vite, Sokol Sadushi ka dirigjuar pranimin për shqyrtim te vetëm:

- 26% të dosjeve për vitin 2022.

- 35% të dosjeve për vitin 2023 dhe

- 27% të dosjeve për vitin 2024.

Vetëm një mesatare prej rreth 30% e dosjeve u shpëtojnë gërshërëve të skualifikimit nga Sadushi.

Me cilin kriter kualifikohen ato si të pranueshme për shqyrtim?

SPAK-u duhet të hetojë praktikën e gërshërëve të Sokol Sadushit.

Nga ato dosje mund të dalë edhe një short-listë e avokatëve që përfaqësojnë hallexhinjtë në ato dosje.

E mbase nga ajo listë mund të kuptojmë zellin më të cilin një turrë avokatucësh sulmojnë ose mbrojnë linjat e interesave të Sokol Sadushit./ CNA





Lajmet e fundit nga