web counter
LEXO PA REKLAMA!

SHKARKO APP

App Store
Google Play

E fundit!

x

Altin Dumani dhe Olsian Çela, vizitë zyrtare në Kosovë/ Zbardhen diskutimet gjatë takimit

4 Nëntor 2025, 18:31, Aktualitet CNA

Altin Dumani dhe Olsian Çela, vizitë zyrtare në Kosovë/

Kryeprokurori i Kosovës Besim Kelmendi ka pritur sot në një takim kryeprokurorin Olsian Çela. Pjesë e këtij takimi të rëndësishëm ishte dhe kreu i SPAK, Altin Dumani.

Pjesë e delegacionit ishte dhe drejtuesi i Prokurorisë pranë Gjykatës së Shkallës së Parë të Juridiksionit të Përgjithshëm Tiranë, Arens Çela, drejtuesi i Seksionit kundër Krimit të Organizuar dhe Terrorizmit, Adnan Xholi, drejtues i Prokurorisë pranë Gjykatës së Shkallës së Parë të Juridiksionit të Përgjithshëm Fier, Elion Mustafaj, këshilltarja në Prokurorinë e Përgjithshme, Rozeta Tase, si dhe koordinatorja për Media në SPAK, Ada Heqimi.

Gjatë këtij takimi Kelmendi ka informuar delegacionin nga Tirana për funksionimin e sistemit prokurorial, për funksionimin e Prokurorit të Shtetit, për strukturën organizative, për kompetencat e prokurorive, si dhe për sfidat me të cilat ballafaqohet sistemi prokurorial në realizimin e misionit për sundim të ligjit.

Ndër të tjera, në takim është diskutuar për ngritjen e nivelit të bashkëpunimit, koordinimin dhe efikasitetin në luftën kundër krimit në të dyja shtetet.

Po ashtu është theksuar se forcimi i bashkëpunimit dhe koordinimit ndërmjet dy prokurorive në fushën e drejtësisë penale është thelbësor për përballimin e sfidave të përbashkëta dhe trajtimin e çështjeve me interes të ndërsjellë./ CNA





Lajmet e fundit nga