web counter
LEXO PA REKLAMA!

SHKARKO APP

App Store
Google Play

Ambasada e SHBA-së “fshikullon” Metën/ “Jemi krah Dumanit dhe SPAK-ut”

17 Prill 2024, 08:45, Aktualitet CNA
Ambasada e SHBA-së “fshikullon” Metën/ “Jemi krah
Ambasada e SHBA-së në Tiranë

Ambasada e SHBA-së në Tiranë ka dënuar sulmet dhe kërcënimet e kreut të Partisë së Lirisë, Ilir Meta ndaj kreut të SPAK-ut, Altin Dumanit.

Ambasada e SHBA-së shpreh mbështjetje për SPAK-un dhe kreun e këtij institucioni, Dumani.

Në deklaratë theksohet se SHBA do të qëndrojë në krah të profesionistëve të drejtësisë që respektojnë ligjin dhe do të mbështesë të gjithë ata që kërkojnë t'i japin fund pandëshkueshmërisë.

“Përshëndesim dënimin nga KLP të sulmeve të drejtpërdrejta dhe të tërthorta kundër SPAK-ut në ditët dhe javët e fundit. Do të vazhdojmë të qëndrojmë në krah të shumicës dërrmuese të qytetarëve shqiptarë që mbështesin institucionet e reja të drejtësisë dhe rolin kyç që ato luajnë në demokracinë e Shqipërisë. SHBA qëndron në krah të profesionistëve të drejtësisë që respektojnë ligjin dhe do të mbështesë të gjithë ata që kërkojnë t'i japin fund pandëshkueshmërisë”, nënvizohet në deklaratë.

Kujtojmë se Meta ka hedhur akuza të forta ndaj Altin Dumanit, duke pretenduar se ky i fundit është takuar me ish-zyrtarin e lartë të FBI-së, Charles McGonigal.

Nga ana tjetër, Dumani, në një prononcim ekskluziv për CNA mohoi kategorikisht akuzat.

Megjithatë, kreu i PL-së nuk u ndal këtu, por kërcënoi dje drejtuesin e SPAK-ut, gjatë një konference me gazetarët.

Në lidhje me këto sulme dhe kërcënime reagoi edhe Këshilli i Lartë i Prokurorisë, i cili dënoi veprimet e Metës dhe mbështeti Altin Dumanin./ CNA





Lajmet e fundit nga