web counter
LEXO PA REKLAMA!

SHKARKO APP

App Store
Google Play

E fundit!

x

“Do të jap nga 50 euro, ty 300”/ Si u fundos Beleri, zbardhet përgjimi

16 Prill 2024, 20:06, Aktualitet CNA
“Do të jap nga 50 euro, ty 300”/ Si u fundos Beleri, zbardhet
Fredi Beleri

GJKKO ka zbardhur vendimin për kryebashkiakun e zgjedhur të Himarës, Fredi Belerin i cili është dënuar me 2 vite burg pasi akuzohet për blerje votash.

Në dosje është zbardhur edhe përgjimi që ka fundosur Fredi Belerin, ku flet me shtetasin Arsen Rama dhe thotë që do të japë nga 50 euro për çdo person që do t’i gjente votues.

“Do të të jap, do të jap... nga 50 euro. Orea!”, thotë Beleri.  “Po panë në kuti ke dhe ti 300 euro”, thuhet në përgjimin e zbardhur në vendimin e gjykatës.

Sipas vendimit të zbardhur shumën prej 40 mijë lekësh për 8 vota, Beleri ia ka dhënë Arsen Ramës përmes të pandehurit tjetër Pandeli Kokaveshi.

“Gjykata çmon se marrja e provave dhe fiksimi i tyre në aktet proceduriale është kryer në respektim të plotë të ligjit. Provat e paraqitura nga organi i akuzës nuk janë të dyshimta, të pakonfirmuara dhe kontradiktore, por ato janë të lidhura në sinkron me njëra-tjetrën”, thuhej në vendim.

Një nga bisedat e zbardhura

D- Hë, ça bëre. Kam nja pesmet veta, kur do lësh takim.

F-Ç’janë ata?

D- Votues, të tutë!

F- Po nuk merrem me atë pjesë unë, po merrem ….

D- Ti e di, kam mbledhur, po do të ti sjell, ti takosh.

F- Nuk dua ti takoj, dua emrat.

D- Emrat, të të bëj listën, të ti sjell këtu.

F- Nuk duhet të mi sjellësh, do më sjellësh listën ti.

D- Po.

F- Edhe do i them unë..(nuk kuptohet).. për tu takuar po në qoftë se s’keni kontaktuar do të flasim prap bashkë.

D- Ok

F-Sot o vlla.

D- Sot, erdha!/ CNA





Lajmet e fundit nga