web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti i rëndë në Greqi/ Kërkohet 21-vjeçarja shqiptare, thirrja për autoritetet greke

2 Mars 2023, 13:20, Aktualitet CNA
Aksidenti i rëndë në Greqi/ Kërkohet 21-vjeçarja
Foto ilustruese

Komuniteti Shqiptar në Greqi ka bërë me dije se po kërkohet 21-vjeçarja, Klaudia Lata, studente e Mjekësisë, e cila ka qenë një nga pasagjeret e vagonit dy në trenin e përplasur në Larisa.

Familja e saj ka nisur procesin e identifikimit me ADN, ndërsa kërkohet që të hidhet dritë mbi shkaqet e aksidentit dhe të dorëzohen para drejtësisë fajtorët.

“Kërkohet Klaudia!

Klaudia Lata, studentja 21 vjeçare e Mjekësisë është një nga pasagjerët e vagonit 2 të aksidentit të frikshëm në Evangjelismo, Tembi. Familja Lata, familja emigrante shqiptare në Larisa ka filluar procesin e identifikimit me ADN, ndërsa shpresat vajza e tyre të jetë mes të mbijetuarve thuajse janë shuar.

Komuniteti Shqiptar në Greqi shpreh hidhërimin e thellë për këtë aksident të frikshëm e plot pikëpyetje.

Ne solidarizohemi plotësisht me familjet e të prekurve nga aksidenti, jemi njësoj të shokuar e të indinjuar me humbjen e thellë e të padrejtë të kaq të pafajshmëve.

Ngushëllime familjeve të viktimave!

Njëkohësisht, si mbarë populli grek, kërkojmë të hidhet dritë mbi shkaqet e aksidentit e të drejtohen urgjentisht para drejtësisë fajtorët”, thuhet në një njoftim nga komuniteti shqiptar në Greqi./ CNA.al





Lajmet e fundit nga