LEXO PA REKLAMA!

SHKARKO APP

5 vitet e Adriatik Llallës me panikun e qelisë/ Nga karrigia e Prokurorisë së Përgjithshme, "non grata" dhe në azil politik

14 Shkurt 2023, 10:01, Aktualitet CNA

5 vitet e Adriatik Llallës me panikun e qelisë/ Nga karrigia e

Pas një viti nga kërkesa për azil politik në Itali ish-kryeprokurori Adriatik Llalla, ka marrë përgjigje pozitive nga autoritetet italiane.

Ai tashmë do të jetë një i strehuar politik në Itali.

Lajm që një natë më parë ka bërë xhiron e mediave, duke iu referuar një deklarate të avokatit të tij Sokol Hazizaj.

Prej pesë vitesh ish-kryeprokurori ka qenë në telashe me drejtësinë për shkak të pasurisë së tij, ndërkohë që ai në vijimësi ka pretenduar se bëhet gjallë për sulme politike.

Buzëqeshja që iu shua brenda pak kohësh

5 vitet e Adriatik Llallës me panikun e qelisë/ Nga karrigia e
Adriatik Llalla, me 19 dhjetor 2017, pas dorëzimit të detyrës

Me 19 dhjetor 2017, Adriatik Llalla do të largohej i buzëqeshur nga Prokuroria e Përgjithshme, pasi i kishte dorëzuar karrigen të përkohshmes dhe më të lakuarës, Arta Marku.

Kjo e fundit, me 18 dhjetor u votua në Kuvend nga mazhoranca mes flakadanëve, duke mbetur kështu në histori si prokurorja e socialistëve apo e tymit dhe zjarrit.

5 vitet e Adriatik Llallës me panikun e qelisë/ Nga karrigia e
Arta Marku gjatë betimit si Prokurore e Përgjithshme, me 18 dhjetor 2017

Një ditë më pas Llalla është fotografuar duke dalë i qeshur nga zyra e tij.

Nisja e hetimeve ndaj Llallës

5 vitet e Adriatik Llallës me panikun e qelisë/ Nga karrigia e

Hetimet për Llallën nisin rreth katër muaj pas largimit të tij nga detyra. Të paktën ato janë bërë publike në mars të vitit 2018.

Prokuroria ka nisur hetimet me kërkimin e informacioneve nga disa institucione si dhe sekuestroi kontratat e shitblerjes së pasurive të Llallës.

Pjesë e hetimit ishin edhe disa kontrata noteriale në lidhje me pasurinë e tij.

Hetimi nisi në prokurorinë e Durrësit për të shmangur konfliktin e interesit dhe si prokuroria më e afërt me Tiranën, ndërkohë që para emërimit si Kryeprokuror Llalla ka punuar në Prokurorinë e Fierit, në Tiranë dhe ILDKP.

Me tej hetimet kanë kaluar te Krimet e Rënda, për t’u pasuar në SPAK.

Llalla pa Vetting

Kujtojmë se Llalla nuk iu nënshtrua Vettingut pasi hoqi dorë nga e drejta për emërim në Gjykatën e Apelit.

Para nisjes së hetimeve më 16 shkurt 2018 Llalla u shpall "non grata" në Amerikë. 

Sipas DASH-it, Llalla përmbush kushtin e parashikuar në seksionin 7031(c) që do të thotë se ka qenë i përfshirë në korrupsion domethënës gjatë periudhës, si Prokuror i Përgjithshëm.

 


Llalla u dënua, por nuk shkoi kurrë në burg

Ish-kryeprokurori u hetua për fshehje të ardhurash.

Adriatik Llalla u dënua nga shkalla e parë në GJKKO, me 2 vite burg si dhe 5 vite heqje të së drejtës për të ushtruar funksione publike, me akuzën e refuzimit për deklarimin, mosdeklarim dhe fshehje ose deklarimi i rremë i pasurive, i cili bëhet kështu zyrtari më i lartë shqiptar në pranga. 

Çështja më pas shkoi në Apelin e GJKKO-së.

Por, ish-kryeprokurori iku nga Shqipëria një javë përpara se gjykata e Apelit të jepte vendimin ndaj tij, ndërsa pas 2 muajsh i shpallur në kërkim, ai u arrestua me 12 dhjetor 2021 nga autoritetet italiane në Romë.

Në shkurt të vitit 2022 Gjykata e Posaçme ka pranuar kërkesën e SPAK-ut, duke pushuar çështjen ndaj ish-kryeprokurorit Adriatik Llalla për fshehje të ardhurash.

Ndaj ish-kryeprokurorit gjykata ka vendosur edhe konfiskimin e pasurisë. Bëhet fjalë për një apartament në Durrës dhe rreth 22 mijë m2 tokë arë në periferi të Tiranës.

Llalla ndërkohë ka kërkuar azil politik në Itali, kërkesë e cila tashmë është pranuar, ndërkohë, dënimi dhe arrestimi i tij mbeten në letër./CNA.al

Lajmet e fundit nga