web counter
LEXO PA REKLAMA!

SHKARKO APP

App Store
Google Play

E fundit!

x

Adriatik Llalla: Mora para borxh për të larguar familjen në Gjermani

20 Maj 2021, 10:46, Politikë CNA

Adriatik Llalla është mbrojtur, sot në Gjykatën e Posaçme Antikorrupsion, mbi katër akuzat e ngritura nga SPAK.

Një seancë më parë prokurori Klodjan Braho kërkoi 2 vite burgim për ish-Prokurorin e Përgjithshëm i akuzuar për fshehje të pasurisë.

Llalla u përfaqësua nga avokati Sokol Hazizaj.

Në 33 faqe mbrojtje konstitucionalisti Hazizaj renditi fakte dhe prova që hedhin poshtë akuzat e prokurorit të siguruara në 2 vite hetim.

Ai tha, se ne asnjë rast ish-Prokurori i Përgjithshëm nuk ka fshehur asnjë pasuri.

Por, sipas tij procesi është i stisur duke e vënë me patjetër ish- kreun e akuzës në përgjegjësi penale.

Llalla pretendon se ai është sulmuar politikisht për shkak të detyrës.

Seanca është monitoruar nga përfaqësues të Ambasadës Amerikane.

Kujtojmë se në fund të detyrës së tij si Prokuror i Përgjithshëm Llalla, u përplas me trupin diplomatik amerikan në Tiranë.

Sipas tij, Ambasada Amerikane me diplomat Donald Lu kishte ndërhyrë në hetimin e një çështje që lidhej me kompaninë kanadeze bankers, e cila shfytëzonte burimet e naftës në zonën Patos -Marinë.  Që prej asaj dite për Adriatik Llallën nuk pati më qetësi.

Në orën  13.30 pritet të shpallet vendimi në GjKKO. Llalla dha dorëheqjen nga posti i Kryeprokurorit në fund të 2017 dhe tre vite më vonë u vu nën akuza që e rrezikojnë me dy vite burgim./CNA.al





Lajmet e fundit nga