E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Vendimi final për ish-kryeprokurorin/ Adriatik Llalla përfundon në burg?

10 Qershor 2018, 11:56, Aktualitet CNA

Dita e nesërme, pritet të jetë një ditë e rëndësishme për procesin e Vettingut.

Kolegji i Posaçëm i Apelimit do të vendosë nëse ish-Prokurori i Përgjithshëm Adriatik Llalla do t?i nënshtrohet Vettingut.

Nëse KPA do të rikthejë Llallën në Vetting, atëherë ish ?kryeprokurori do t?i nënshtrohet hetimit të pasurisë, si dhe analizës së figurës morale dhe aftësive profesionale.

Kujtojmë se me datë 06.06. 2018, Kolegji i Posaçëm i Apelimit zhvilloi seancën e dytë për vlerësimin e vendimit të KPK, nëse ish-kryeprokurori, Adriatik Llalla, do t?i nënshtrohet ose jo procesit të vetingut.

Ish-kryeprokurori Adriatik Llalla, nuk mori pjesë në seancë dhe u përfaqësua nga avokati Sokol Hazizaj.

Ky i fundit nënvizoi se klientit të tij i kishte mbaruar mandati i kryeprokurorit, ndërsa përdori si argument, faktin se nëse ai jep dorëheqje nga sistemi i drejtesisë, rivlerësimi ndërpritet.

Por, Komisioneri Publik, Florian Ballhysa deklaroi se Adriatik Llalla si magjistrat nuk ka ndjekur procedurën ligjore të dorëheqjes.

Sipas Ballhysës, megjithëse Llalla ka lënë detyrën në dhjetorin e vitit të kaluar, ai nuk është larguar si magjistrat dhe si i tillë duhet të kalojë në filtrat e verifikimit të pasurisë dhe figurës.

Ndërkaq Llalla është edhe nën hetime nga Prokuroria për Krime të Rënda.

Gjithsesi vendimi i KPA ?së, pritet të zbardhet ditën e nesërme.

Deri më tani Komisioni i Posaçëm i Kualifikimit ka marrë 12 vendime nga të cilët 7 gjykatës dhe prokurorë e kanë kaluar me sukses dhe për 5 të tjerë është vendosur largimi.

Në detyrë janë rikonfirmuar Dritan Prençi, Prokuror në Prokurorinë e Krimeve të Rënda, Anila Leka, prokurore në Prokurorinë e Përgjithshme dhe Fatjona Memçaj, prokurore në Prokurorinë e Apelit Tiranë, gjyqtarja e Gjykatës Kushtetuese Vitore Tusha, gjykatësi i Gjykatës së Lartë Edmond Islamaj, gjyqtarja e Gjykatës së Tiranës Manjola Xhaxho, ajo e Kurbinit Marçela Shehu.

Ndërsa u ?prenë kokat? e 3 anëtarëve të Gjykatës Kushtetuese, Fatos Lulo, Fatmir Hoxha dhe Altina Xhoxhaj, të gjyqtarit të Gjykatës së Apelit Durrës, Besim Trezhnjeva si dhe të prokurores e Prokurorisë së Apelit Shkodër, Besa Nikëhasani./CNA.al