web counter
LEXO PA REKLAMA!

SHKARKO APP

App Store
Google Play

E fundit!

x

Berisha nuk kursehet/ Baxhanaku i Ramës ka fituar mbi 50 tendera nga qeveria

18 Maj 2022, 17:18, Politikë CNA

Në kuadër të zgjedhjeve për kryetar të PD-së më 22 maj, ish-kryeministri Sali Berisha ka zhvilluar një takim entuziast me demokratët e Beratit.

Në fjalën e tij Berisha sulmoi Ramën për shkelje të kushtetutës, pasi baxhanaku i tij ka fituar mbi 50 tendera nga qeveria e tij.

Sipas Berishës, kushtetuta thotë në nenin 70 se ministri dhe familjarët e tij nuk mund të përfitojnë asnjë qindarkë nga pasuria publike e pushtetit vendor apo lokal.

?Rama në çdo debat thotë se unë jam 2 metra i gjatë dhe ku mund të vjedh një i gjatë? Vjedh me firma ti mor zotëri dhe nuk vjedh në xhepa. Por vjedh me qindra e qindra milionë. Hajt na thuaj Rama se si e firmose ti me procedurë negociate të mbyllur tenderin e djegësave 430 milionë euro? A e di se ajo procedurë është e ndaluar me ligj, pasi është vjedhje.

Na thuaj zoti Rama si firmose ti të shpallësh burrin e ministres si investitor strategjik dhe t’i japësh qindra mijëra metra në bregdet, kur kushtetuta thotë në nenin 70 se ministri dhe familjarët e tij nuk mund të përfitojnë asnjë qindarkë nga pasuria publike e pushteti vendor apo lokal. Po pse i bën ti këto, ti 2 metra i gjatë, ti vjedh me firmë nuk fut duar në xhepa. Po merr me kontejnera e me çdo gjë.

Si ka mundësi që baxhanaku yt që është biznesmen që fitoi 50 tendera deri para dy vitesh nga qeveria jote. Nga çdo definicion ai përjashtohet sepse nuk janë tenderat për familjarët e qeveritarëve. Si thua ti 2 metra i gjatë, në raportin e fundit, mbi 1 miliard euro në tërësi për ndërtimet e tërmetit të gjitha për qeveritarët dhe familjarët e tyre?, tha Berisha./CNA.al





Lajmet e fundit nga