E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Emëruan familjarë të tyre në sistemin prokurorial/ Xhafaj, 'shuplakë' KLP-së

18 Maj 2022, 10:22, Politikë CNA

Deputeti Fatmir Xhafaj ka folur me tone të ashpra ndaj Këshillit të Lartë të Prokurorisë, në Komisionin e Ligjeve.

Xhafaj ka shtruar një sërë pyetjesh për KLP-në, ndërsa u ndal tek akuzat në lidhje me performacën e prokurorëve.

Deputeti deklaroi se nuk bie dakord me reagimin e KLP-së dhe theksoi se ashtu si shumë politikanë, edhe ai ka dyshime mbi pavarësinë e prokurorëve në vendimmarrjet e tyre.

?Roli i institucioneve të reja është jetik për funksionimin e organeve të reja të drejtësisë. Për fat të keq, roli i disa prej këtyre institucioneve ku përfshihet një pjesë e KLP-së, në vlerësimin tim personal, nuk është luajtuar mirë. Më vjen keq që duhet ta them këtë.

KLP ka rol kyç, është anëtar me kohë të plotë, 11 veta, nuk kemi pasur asnjëherë kështu. Cili ka qenë qëndrimi juaj ndaj problematikave ndaj 2021 dhe 2022. A ka ndonjë reagim, reflektim?

Sa nga emërimet tuaja janë shkarkuar nga vetingu? Sa prej tyre janë ata që janë kontestuar nga PP? A janë një pjesë e këtyre emërimeve rrjedhojë e reflektimit të interesave të brendshme të Këshillit?

22 magjistratë që do të emërohen. Si e keni programuar rekrutimin e këtyre studentëve? Pse nuk i japin vendet emërimeve në Tiranë? A janë të vërteta pretendimet për klientelizëm? A ka raste të emërimit të familjarëve të anëtarëve të këshillit në sistemin e drejtësisë.

Cili është roli juaj me anëtarë të këshillit, çfarë ju bën të dallueshëm? Çfarë është risia juaj? Gjatë vitit të kaluar janë adresuar kritika të forta ndaj prokurorëve lidhur me përformancën e tyre jo vetëm nga publiku, por edhe nga politika. Ju i konsideruat retorikë politike. Unë mendoj ndryshe. Sepse siç ju keni të drejtën e kontrollit tek organet e tjera, edhe pushtetet e tjera kanë të drejtë të artikulojnë.

Publiku kërkon se cili është qëndrimi juaj zyrtar. Sot prokurorët janë më të pavarur se kurrë, thatë ju zoti Balla, por pyetja është a ndihen ata të pavarur në vendimmarrjen e tyre??, theksoi Xhafaj./ CNA.al