LEXO PA REKLAMA!

SHKARKO APP

E fundit!

x

Vendimi i Agron Zhukrit për ‘11 dhjetorin’/ Apeli cakton me short gjyqtarin

17 Maj 2022, 13:44, Politikë CNA

Gjykata e Apelit ka hedhur sot shortin për gjyqtarin që do të shqyrtojë vendimin e Agron Zhukrit, i cili legjitimoi Kuvendin e 11 dhjetorit të Partisë Demokratike.

Mësohet se gjyqtare e çështjes është caktuar nga shorti Elona Toro. Pjesë e trupës gjykuese do të jenë Genti Shala dhe Edlira Petri.

Më herët, Gjykata e Tiranës bëri të ditur se shorti i rastësishëm do të caktonte trupën gjykuese për të shqyrtuar ankimimin e Enkelejd Alibeajt ndaj vendimit të Zhukrit.

Ishte Blerina Muça gjyqtarja që pranoi ankimimin e Alibeajt, ndonëse ky i fundit nuk ishte palë në proces.

Kujtojmë se vendimi i Zhukrit bëri që ligjërisht në krye të PD-së, të njihej që prej 25 marsit Komisioni i Rithemelimit si organi drejtues i partisë.

Por Alibeaj kërkoi nga Apeli prishjen e vendimit të 25 marsit si dhe pushimin ose kthimin në hetim me trupë tjetër gjykuese. Ky vendim i Alibeajt erdhi një ditë pasi ai kallëzoi në SPAK gjyqtarin Agron Zhukri për shpërdorim detyre./ CNA.al

Statuti i PD-së, në dyert e gjykatës/ Zbardhet ecuria e procesit

Lajmet e fundit nga