web counter
LEXO PA REKLAMA!

SHKARKO APP

App Store
Google Play

E fundit!

x

“Presidenti”, Balla ironizon Alibeajn/ Na sillni emrat, por a i siguroni dot 20 firma deputetësh?

18 Maj 2022, 08:53, Politikë CNA

Kreu i Grupit Parlamentar të Partisë Socialiste, Taulant Balla, ka vijuar zvarritjen e zgjedhjes së Presidentit të ri.

Edhe ditën e sotme, Balla ka deklaruar se nuk do të pranojë asnjë propozim që vjen nga Komisioni i Rithemelimit, i cili njihet si organi zyrtar i drejtimit të Partisë demokratike.

Gjithashtu ai ka vënë në dyshim aftësinë e Enkelejd Alibeajt për të mbledhur firma, pasi është ulur në këtë tryezë si përfaqësues i PD-së, pavarësisht se është shkarkuar nga Kuvendi i 30 prillit.

Balla ka ironizuar Alibeajn, teksa e pyet nëse ky i fundit mund t?i mbledhë 20 firma deputetësh të PD-së për emrin e Presidentit.

Gjithashtu deputeti i PS-së ka pranuar se nëse nuk do të bjerë në konsensus me opozitën, mazhoranca do ta zgjedhë vetë Presidentin e ri.

?Jam dakord që të keni të drejtë të propozimit, por jo monopolin e propozimit. Të drejtën e propozimit e kanë të gjitha palët.  Të hënën në 18.00 raundi i dytë. Duhen 20 firma deputetësh për ta propozuar. I keni?  E tillë është procedura kushtetuese. Mund të sillni tre kandidatë, por kini parasysh që kandidati që vjen nga katrani me bojë nuk pranojmë. Silleni, po e keni dakordësinë, kjo është gjë e mirë. Mendoj që kështu edhe jemi të barabartë. Dy raunde i keni ju.

PS nuk ka një proces që nuk e përgatit në kohë. Kemi dy muaj që përgatitemi për këtë proces. Nuk kemi përjashtuar tërësisht politikën, por nga Grupi i socialistëve nuk mund të jetë. Me kriteret jemi dakord. Ju keni të drejtën tuaj të propozoni, por nuk është ekskluzive. Deri në raundin e tretë, mund të biem dakord, që ju ta propozoni dhe ne të shohim. Nëse nuk biem dakord, pastaj me respektin e procesit në raundin e katërt ne do të propozojmë dhe ju duhet të vini dhe të shpreheni me votë?, theksoi Balla./ CNA.al





Lajmet e fundit nga