Zgjedhja e Presidentit/ Alibeaj përsërit vetveten

18 Maj 2022, 08:23, Politikë CNA

Kanë filluar negociatat në praninë e kamerave për zgjedhjen e emrit të Presidentit të ri.

Gjatë këtij takimi, i pari fjalën e ka marrë deputeti i Partisë Demokratike, Enkelejd Alibeaj, i cili ka përsëritur të njëjtat deklarata që ka thënë edhe ditët e tjera.

Alibeaj tha se Presidenti duhet të jetë i qytetarëve dhe duhet të zgjidhet me më së paku 84 vota.

?Së pari, kjo mbledhje ka arritur diçka të rëndësishme, faktin që për herë të parë i gjithë diskutimi do të bëhet në sy të publikut, qëndrimi ynë është bërë me dije, ju është ofruar juve dhe publikut.

Përmbajtja është e bazuar në pak çështje, së pari në rregullat kushtetuese, që kërkojnë që presidenti të zgjidhet me 84 vota, për këdo është e qartë se kushtetutbërësi, ka menduar që Kreu i Shtetit, i pari i shqiptarëve, do të duhet në çdo rast që të ketë një mbështetje konsensuale. Është kjo frymë dhe gërma e kushtetutës.

Po është e vërtetë që në 2008 ndodhi një ndryshim kushtetues, që vendosi që dy raundet e fundit të zgjidhen përmes një mekanizmi zhbllokues, pra me shumicë të thjeshtë, por ky nuk mund të vendoset si një rregull. Është përjashtues, vetëm në rastin kur opozita nuk do të bëhet pjesë e procesit për tekat e veta.

Është kjo arsyeja se pse opozita mori pjesë në këtë proces, për të mos krijuar alibi të paqena. Që ju të mos këndoni ?ata nuk erdhën po e zgjedhim ne?. Kjo është arsyeja se pse kemi marrë në proces. Presidenti i ri duhet të ketë legjimitet. Kjo duhet të jetë garancia, Nuk duhet të jetë as yni, as juaji, por i qytetarëve.

Përmbajtja e dokumentit besoj se është e bazuar në pak çështje, por të rëndësishme për t’u njohur nga kushdo. Kushtetuta parashikon se Presidenti i Republikës duhet të zgjidhet me më së paku 84 vota.

Tri raundet e para Presidenti do të duhet të zgjidhet jo më pak se 84 vota. Kjo është arsyeja e parë pse zgjedhja është e domosdoshme. Ka disa arsye pse është e domosdoshme. Të bërë një fotografim, 90% të pushteteve i ka marrë një krah. Është kjo, një zhbalacim i pushteteve. Do të mjaftonte edhe kjo që nga çdo lloj shumice të mos kishte asnjë lloj diskutimi, veçse të pranohet qëndrimi ynë?, theksoi deputeti i PD-së./ CNA.al