web counter
LEXO PA REKLAMA!

SHKARKO APP

App Store
Google Play

Këlliçi në takimin e Pompeos me Muxhahedinët/ "Krenar që iu mundësuam një strehë"

18 Maj 2022, 08:58, Politikë CNA

Deputeti i PD-së, Belind Këlliçi, ishte i pranishëm në një takim të ish-Sekretarit Amerikan të Shtetit, Mike Pompeo, me Muxhahedinët në kampin e vendosur në Manzë.

Në një postim në rrjetet sociale, Këlliçi shkruan se ndihet krenar që qeverisja e PD-së, në vitin 2013 ofroi një strehë të sigurtë për ish-të burgosurit politikë të Iranit.

?Pata privilegjin të isha pjesë e takimit të ish-Sekretarit të Shtetit, Mike Pompeo, me Organizatën Muxhahedine të Popullit të Iranit, e vendosur në kampin Ashraf 3 në Manzë.

Ish-të burgosurit politikë iranianë u bujtën në vendin tonë në vitin 2013, gjatë qeverisjes së Partisë Demokratike.

Prej vitit 1979 janë përndjekur e masakruar nga regjimit teokratik i mullahëve ndërsa sot rezistenca e tyre i jep shpresë popullit të Iranit.

U njoha nga afër me vuajtjet e tyre me vizitën në muzeun e torturave.

Jam krenar që PD në qeverisje u mundësoi një strehë të sigurtë, duke shfaqur vlerat më të larta të mikpritjes shqiptare.

Ne qëndrojmë krah tyre!

Krah lideres Maryam Rajavi!?-shkruan Belind Këlliçi.

Ndërkohë një detaj që bie në sy është fakti se në këtë takim nuk është ftuar asnjë person nga ?PD e vulës?, duke përfshirë dhe Enkelejd Alibeajn i cili mendon se është kryetar, sepse e ka komanduar Gaz Bardhi./CNA.al





Lajmet e fundit nga