web counter
LEXO PA REKLAMA!

SHKARKO APP

App Store
Google Play

E fundit!

x

"Presidenti"/ Duka: Këta e kanë ndarë mendjen, hajt ta provojmë të sjellim një emër

18 Maj 2022, 09:17, Politikë CNA

Kreu i Partisë Agrare Ambientaliste, Agron Duka, ka folur troç në takimin që është duke u zhvilluar në Kryesinë e Kuvendit për zgjedhjen e Presidentit të ri.

Duka pranoi hapur se opozita nuk ka asgjë në dorë, ndërsa i kërkoi Enkelejd Alibeajt që të bien në konsensus për një emër, në mënyrë që t?i mbyllin gojën mazhorancës.

“Ka dhe një gjë të keqe, mendojnë ore po kaq e vështirë qenka kjo punë për një proces që është i qartë. Mazhoranca thotë ne presim ofertën e tyre, ndoshta edhe s?ju votojmë, por a kemi zgjidhje tjetër ne.

Ne s?kemi asgjë në dorë, vetëm këtë debatin publik dhe populli që na dëgjon, thotë sikur ç’po bëjnë, dhe po i them të mos rrimë kaq gjatë po t’i biem troç gjërave.

Nëse mazhoranca thoshte që në fillim që ju do e zgjidhni, sillni kandidaturat. Unë për vete mendoj që duhet të gjejmë gjuhë bashkëpunimi, do të tentoj edhe vetë personalisht të gjejmë 20 firma, t’jua sjellim ju, them se do e digjni. Të paktën të kemi sy e faqe përballë publikut dhe njerëzve që të themi që raundet e tjera bëjeni vetë sepse ne s?vijmë fare. Gjithsesi, s?kemi rrugë tjetër veçse ta provojmë. Nuk ma kap truri të jetë e vështirë kjo punë.

T’iu biem troç gjërave. Të jep fjalën Taulant Balla, ata e kanë ndarë mendjen. Nëse pranojnë kandidaturat tona, ta provojmë njëherë, të bëjmë një tentativë.

Se këta thonë ne i bëjmë 84 vota. 8 vota i bëj dhe unë, por nuk mund të shprehesh kështu. Problemi është që nëse ti do të jesh konsensual nuk mund të thuash kam 84-ën se pjesë e 84-ës jam edhe unë?, theksoi Duka./ CNA.al





Lajmet e fundit nga