web counter
LEXO PA REKLAMA!

SHKARKO APP

App Store
Google Play

E fundit!

x

Balla flet me fjalët e Ramës/ Mazhoranca nuk ndal sulmet ndaj SPAK-ut

18 Maj 2022, 11:02, Politikë CNA

Mazhoranca socialiste duket se nuk ndalon në sulmet ndaj SPAK-ut.

Pas kryeministrit Rama, edhe kreu i grupit parlamentar të PS-së, Taulant Balla, i është drejtuar SPAK-ut, me të njëjtën gjuhë.

Gjatë fjalës së tij në mbledhjen e Këshillit Kombëtar për Integrimin Europian, Balla ashtu sikurse edhe Rama, kërkoi hetimin e gjyqtarëve dhe prokurorëve të shkarkuar nga Vettingu.

?Shqipëria ka ende një listë të plotë të ish-gjyqtarëve, ish-prokurorëve që janë shkarkuar nga Vettingu dhe kanë rezultuar me mospërputhje tepër të mëdha të gjendjes së pasurisë së tyre dhe duhet që hetimet të jenë tepër të forta. Prokurori duhet të fillojë vetë hetime. Po ashtu kur ne kemi dizenjuar këtë formë të re të organeve të luftës kundër korrupsionit e kemi marrë një model nga vende që ka funksionuar, i jemi referuar modelit rumun.?-tha Balla.

Më tej, ai iu drejtua edhe Prokurorit të Përgjithshëm, ndërsa i kërkoi ?llogari? pse nuk janë hetuar “21 janari” dhe “Gërdeci”.

?Pyetja ime zoti Prokuror i Përgjithshëm është përse Prokuroria e Posaçme nuk heton 21 janarin dhe nuk bën transparente korrupsionin në Gërdec. Dhe tjetra që dua të theksoj mosndëshkimin brenda niveleve të larta.  SHBA ka theksuar publikisht se për shkak të përfshirjes së tij në korrupsion në cilësinë, si shpërdorim i fondeve publike, përdorim pushteti për përfitime personale, shpërdorim detyre thotë kodi penal në Republikën e Shqipërisë. Tani Prokuroria shqiptare ka regjistruar ndonjë procedim penal,? tha Balla./CNA.al





Lajmet e fundit nga