web counter
LEXO PA REKLAMA!

SHKARKO APP

App Store
Google Play

“Procesi antikushtetues, tallje”/ Rithemelimi reagon për ‘Presidentin’

18 Maj 2022, 10:34, Politikë CNA

Deputeti i Partisë Demokratike dhe anëtari i Komisionit të Rithemelimit, Luçiano Boçi, ka reaguar për negociatat e sotme dhe marrëveshjen që Enkelejd Alibeaj arriti me mazhorancën për zgjedhjen e Presidentit të ri.

Boçi tha në një deklaratë për mediat se niveli i diskutimit të sotëm ishte qesharak dhe tallës, ndërsa theksoi se deklarata e Alibeajt nuk duhet konsideruar.

Ai e cilësoi edhe një herë Alibeajn pa tagër politik për të përfaqësuar PD-në në tryezë me mazhorancën, teksa deklaroi se ?tryeza nuk ka nivel parlamentar, është nivelit politik?.

“Është tallja e radhës me procesin e Presidentit dhe na vjen keq që niveli i diskutimit të jetë kaq qesharak dhe tallës. Negociatat duhet të jenë në përputhje me atë që përcakton Kushtetuta. Askush s?mund t?ja heqë të drejtën opozitës për të pasur kandidatë në pesë raunde dhe kjo zgjidhje nuk është parë asnjëherë ku dikush nga mazhoranca ka përcaktuar që opozita mund të ketë kandidat në tri raundet e para dhe në raundet e tjera jo. Dhe ironia është që opozita nuk ka vota për një numërim të thjeshtë dhe mazhoranca e ruan propozimin e saj për raundin e katërt dhe të pestë.

Alibeaj me bashkëshoqëruesit e tij nuk ka asnjë lloj mandati të dhënë nga partia apo grupi parlamentar. Këto deklarata për mua janë tallëse dhe nuk duhen konsideruar”, theksoi deputeti./ CNA.al





Lajmet e fundit nga