web counter
LEXO PA REKLAMA!

SHKARKO APP

App Store
Google Play

“PD u shndërrua në 'freskore' për qeverinë”/ Berisha: PS po kontrollon drejtësinë për të goditur ‘Rithemelimin’

15 Maj 2022, 17:25, Politikë CNA

Ish-kryeministri Sali Berisha nga Shkodra para demokratëve është shprehur se lëvizja e fundit po i rikthen vendit opozitën e vërtetë, ndërsa shtoi se Shkodra më 6 mars u paraqit në mënyrën më të mirë.

Berisha shtoi se prej disa vitesh, PD-ja u shndërrua në “freskore” për qeverinë.

Ai tha se PS-ja po kontrollon drejtësinë për të goditur ?Rithemelimin?.

“Lëvizja jonë mori jetë në një nga momentet më kritike, më absurde, më antidemokratike të Shqipërisë. Kjo lëvizje në një kohë të shkurtër riktheu në Shqipëri opozitën e vërtetë, riktheu PD-në e rithemeluar, si parti të idealeve dhe shpresave tuaja. Në këtë udhëtim Shkodra më 6 mars do të paraqitej siç është, diamanti i fitores së kësaj fitoreje epike.

Një qeveri e cila disponon mjete të paligjshme, një qeveri e cila në dhunim të normave demokratike ka vendosur të çimentojë pushtetin e saj. Një pseudoopozitë, e cila është shndërruar në një ‘freskore’ të qeverisë u angazhua me lojërat e saj. Një drejtësi e kontrolluar nga qeveria, në funksion të goditjes së opozitës së vërtetë. Kësaj here në goditje kundër PD-së dhe opozitës së vërtetë u mobilizua edhe mafia e Xhorxh Sorosit, mafia më e rrezikshme politike. 

Në vitin 2013 Rama nuk votoi 3 ligje për të marrë statusin e vendit kandidat. Në 2013-ën dhe 2022-shin dhe 2025-ën interesi i shqiptarëve është BE-ja.  9 vite në pushtet nuk plotësojë asnjë nga kriteret për t?u bërë pjesë e BE-së“, tha Berisha./CNA.al





Lajmet e fundit nga