web counter
LEXO PA REKLAMA!

SHKARKO APP

App Store
Google Play

Presidenti/ PS-ja po i “djeg” qëllimisht raundet e votimit

16 Maj 2022, 07:16, Politikë CNA

Ende nuk ka asnjë kandidat për President as nga mazhoranca e as nga opozita.

Dje ka qenë afati i fundit, por as mazhoranca prej së cilës pritej një kandidat, nuk e ka respektuar këtë afat.

Sot pritej që të zhvillohej raundi i parë i votimit në Kuvend.

Dyshohet se PS-ja qëllimisht po i ?djeg?, raundet e votimit, pasi zgjedhja e tij kalon në 5 raunde në Kuvend.

Në 3 raundet e para kandidati duhet të marrë 3/5 e votave në Parlament, ose 84 vota.

Kushtetuta e Shqipërisë parashikon që raundi konsiderohet i bërë edhe nëse nuk paraqitet asnjë kandidat. Pra, opozita nuk e bllokon procesin as me mospjesëmarrjen e saj në seancë, që do ta bënte të pamundur plotësimin e kuorumit në 3 raundet e para, 84 vota.

Ndërsa në dy raundet e fundit, për të zgjedhur Presidentin e ri mjaftojnë 71 vota të deputetëve, vota që PS-ja i ka dhe mund të zgjedhë kë të dojë.

Në Kushtetutë parashikohen edhe rastet ekstreme. Nëse presidenti nuk zgjidhet as në raundin e pestë, Kuvendi shpërbëhet. /CNA.al





Lajmet e fundit nga