web counter
LEXO PA REKLAMA!

SHKARKO APP

App Store
Google Play

E fundit!

x

Çfarë qëndron pas “ulërimave” të Ramës/ Vasili zbulon tentativat për të kapur SPAK-un

14 Maj 2022, 14:08, Politikë CNA

Deputeti Petrit Vasili ka ngritur një sërë akuzash ndaj kryeministrit Edi Rama, në një reagim për deklaratat e këtij të fundit kundrejt SPAK-ut.

Vasili thotë se Rama po ulërin i trembur sepse do patjetër që SPAK-u të mos e ndëshkojë dhe nuk do SPAK-un e ligjit.

Sipas tij, Rama po kërkon dhunshëm që SPAK-u të veprojë me urdhër të tij, të hetojë me urdhër të tij dhe të dënojë sipas hallit të tij.

?Rama ulërin i trembur se do patjetër SPAK-un me Regji, që nuk e ndëshkon dhe jo SPAK-un e ligjit! Rama dhunshëm po kërkon që SPAK-u të veprojë me urdhër të tij, të hetojë me urdhër të tij dhe të dënojë sipas hallit të tij. Rama deklaronte në 14 korrik 2016 në takim me studentë të juridikut dhe magjistraturës:

“…e kam thënë që, nëse duam të bëjmë një reformë në drejtësi që është reformë reale, ne të gjithë, që jemi në politikë duhet të bëjmë një hap mbrapa e t?ua lëmë njerëzve të sistemit”.

Sot po ky Ramë hipokrit dhe i kapur keqas kërcënon hapur dhe i jep urdhra SPAK-ut. Po ku shkuan deklaratat e tij??, shtron pyetjen deputeti i LSI-së.

Më tej, ai deklaron se gjithçka që po ndodh po vërteton konstatimet e Elez Biberajt se Reformat e Drejtësisë janë dëmtuar nga korrupsioni i përhapur dhe se Rama po forcon pushtetin duke ngushtuar hapësirën publike, duke minuar institucionet e pavarura dhe duke e mbushur gjyqësorin me besnikë, nën maskën e reformave dhe duke margjinalizuar opozitën.

?Përfunduan pra në kosh  garancitë e famshme të ndërkombëtarëve për një Reformë në Drejtësi gjoja të çliruar nga politika dhe të pavarur, që i bindej vetëm e vetëm ligjit, sepse në realitet kapja dhe nepotizmi rilindas ulërijnë në mes të ditës. Reforma në Drejtësi polli vetëm një Drejtësi me Regji.

Dështimi i drejtësise do zgjidhje jo propagandë! Asnjë nuk e ha më propagandën e drejtësisë shqiptare, që pritet të bëhet një mrekulli botërore sepse dështimi flet vetë. Asnjë nga dashnoret e të ashtuquajturës Reformë në Drejtësi nuk guxon sot as t?ju kthejë përgjigje fakteve reale të gjendjes katastrofike dhe kolapsit ku ka rënë aktualisht sistemi i drejtësisë?, vijon Vasili, ndërsa rendit ato që i quan fakte të kapjes së drejtësisë.

?Drejtësia me regji  nuk vepron edhe kur falsifikohen dokumentat shtetërore nga Kuvendi i Shqipërisë përpara Gjykatës Kushtetuese kundra Kreut të Shtetit.

Drejtësia me regji nuk vepron për Inceneratorët, Teatrin Kombetar, Becchetin, Aferën e energjisë, Koncesionet, Tenderat sekretë, Portin e Durrësit e dhjetëra çështje tepër të rënda.

KED u bllokua qëllimisht për një kohë shumë të gjatë në dhunim të Kushtetutës dhe ligjit me qëllimin e vetëm, atë të kapjes së tij nga Rilindja.

Shorti i hedhur nga Kryetari i Parlamentit Meta u pengua nga Rilindja edhe nga ndërkombëtarët duke lënë qëllimisht vendin pa Gjykatë Kushtetuese për tre vjet rresht dhe ende sot të paplotësuar.

Gjatë procesit të plotësimit të Gjykatës Kushtetuese u vërtetua tentativa mafioze e kryetarit të KED, Dvoranit për të rrëmbyer anëtarët e Gjykatës Kushtetuese, që ishin kompetencë e Presidentit.

Dhjetëra mijëra dosje kanë mbetur pa u trajtuar, që nga Gjykata e Lartë me 36 mijë dosje e deri te gjykatat e të gjitha niveleve ku mbi 70 mijë të tjera janë bërë stivë.

Gjykata Europiane e te Drejtave të Njeriut në Strasburg ka dënuar me gjobë deri në 5 mijë euro qeverinë shqiptare për vonesat disavjeçare në gjykim të një çështjeje.

Janë dhjetëra-mijëra çështje dhe ka mjaft prej tyre që kanë më shumë se 5 vjet, që presin dhe ky precedent i Strasburgut mund të shkaktojë një dënim me dhjetëra-miliona euro.

Në pesë vitet e fundit, volumi i punës në gjykata është rritur nga dyqind në dymijë dosje për çdo gjyqtar, ndërsa koha mesatare e zgjidhjes së një çështjeje është rritur mesatarisht nga 180 ditë në 730 ditë.

Asnjë Strategji nuk ekziston për të zgjidhur kolapsin total të Sistemit Gjyqësor në të gjitha nivelet, ku mungesat në personel janë kritike.

Dhjetëra ligje të Reformës në Drejtësi janë ndryshuar ende pa filluar akoma funksionimi i tyre, pa konsultim me Komisionin e Venecias, vetëm me nisma të njëanshme të qeverisë dhe janë miratuar nga një parlament jolegjitim dhe njëpartiak.

Nepotizmi politik rilindas me vellezër e motra e kushërinj të ministrave në emërimet e anëtarë të Komisioneve të Vetingut është fakt dhe shkak për mosbesimin ndaj vlerësimeve të tij.

Vetingu u katandis në një Inspektoriat të Deklarimit të Pasurisë dhe asgjë më shumë. Funksionoi me standarde të dyfishta dhe u kritikua hapur nga Komiteti i Helsinkit, që shprehej:

?vëzhguesit e KSHH-së kanë evidentuar raste sporadike të standardeve të dyfishta në vendimmarrjen e KPK-së, ndaj kemi mendimin se praktika e vetingut ka nevojë të konsolidohet.

Procesi i rivlerësimit është bazuar kryesisht në kriterin e pasurisë, duke mos pasur në konsideratë edhe dy kriteret e tjera: atë të vlerësimit të figurës dhe të aftësive profesionale?, thoshte Komiteti Shqiptar i Helsinkit.

Konkurrimi për vendet e reja në sistemin e drejtësisë ishte fiktiv, pa garë dhe pa numrin minimal të konkurrentëve për çdo post, duke bërë kontrollin e plotë të procesit nga Rilindja, duke ulur dukshëm cilësinë dhe duke realizuar thjesht mbushjen e vendeve dhe kapjen e institucioneve të reja të drejtësisë.

Edhe sot Gjykata Kushtetuese dhe Gjykata e Lartë janë edhe sot pa numrin e plotë të funksionimit të tyre duke kaluar çdo afat kushtetues.

Afatet kushtetuese të Reformës në Drejtësi1 të votuar në 21-22 korrik u shkelën të gjitha dhe asnjë përgjegjësi nuk ka dalë për këtë, por përkundrazi e kanë kthyer Kushtetutën në një letër pa vlerë.

Ky është realiteti shumë i hidhur i “Drejtësisë së Re”.

Kushdo, që përpiqet ta mohojë dhe ta fshehë, i bën shërbim antiligjit dhe shkatërrimit përfundimtar të shtetit ligjor dhe destabilizimit shumë të rëndë politiko-shoqëror në Shqipëri?, përfundon deputeti./ CNA.al





Lajmet e fundit nga