web counter
LEXO PA REKLAMA!

SHKARKO APP

App Store
Google Play

Kryebashkiaku socialist përkujton partizanët/ Alibeaj “nuk përmbahet”: Provokim i pinjollëve të komunizmit

15 Maj 2022, 20:54, Politikë CNA

Kryebashkiaku i Cërrikut Andis Salla vendosi dje kurora me lule në një monument përkujtimor të partizanëve të rënë në luftë.

Duke marrë shkas nga ky veprim, ka reaguar ashpër deputeti i PD-së Enkelejd Alibeaj, i cili pretendon se ky ishte një provokim i nostalgjikëve të komunizmit.

Gjithashtu ai përmend edhe rastin e Bujar Çelës që pak muaj më parë dërgoi në grupin e WhatApp-i të anëtarëve të Komisionit të Sigurisë, një foto të diktatorit Enver Hoxha me flamurin shqiptar.

Alibeaj i cilëson këto gjeste si provokime të hapura ndaj viktimave, plagëve të pambyllura të persekucionit, vrasjeve pa gjyq, burgosjeve e internimeve dhe shtypjes së fjalës së lirë.

?Pak muaj më parë, një deputet i Partisë Socialiste i thurte hosana figurës së diktatorit komunist Hoxha. Provokim i hapur i pinjollëve të komunizmit ndaj viktimave dhe një populli të tërë, ndaj plagëve të pambyllura të persekucionit, vrasjeve pa gjyq, burgosjeve e internimeve, shtypjes së fjalës së lirë. Asnjë fjalë pendese, as sa për sy e faqje, nga pushteti. Thjesht lënie në harresë. Në fakt ashtu siç ka ndodhur për këto 30 vjet. Nuk ka dhimbje më të madhe sesa kur ndjen, që në vendin, e ndaj popullit, më të vuajtur nga diktatura komuniste, pendesa mungon, falja refuzohet dhe harresa promovohet. Simptomat më energjike këto që mentaliteti diktatorial të ruhet ende i patrazuar. E sikur hipokrizia e tranzicionit postkomunist të mos mjaftonte, provokimet sistematike të nostalgjikëve të komunizmit po iu vardisen edhe brezit të ri, nxënësve në shkolla, siç ndodhi dje në Cerrik ! Dekomunistizimi i shoqërisë shqiptare, i sinqertë, real, i plotë dhe i ndjerë është ajo çka ka nevojë ky vend sot! Mund dhe duhet ta bëjmë!?, shkruan Alibeaj në rrjetet sociale./ CNA.al





Lajmet e fundit nga