web counter
LEXO PA REKLAMA!

SHKARKO APP

App Store
Google Play

E fundit!

x

Dështimi i raundit të parë për zgjedhjen e Presidentit/ Alibeaj, “tapet” për Ramën

16 Maj 2022, 07:26, Politikë CNA

Sot duhej të mbahej raundi i parë për zgjedhjen e Presidentit dhe të dyja palët duhet të kishin emrat të cilët do të kandidojnë për President të Republikës.

Kjo nuk ka ndodhur pasi as opozita dhe as mazhoranca nuk kanë dorëzuar kandidatët e tyre duke djegur kështu raundin e parë.

Sot në mbledhjen e Komisionit të Ligjeve, deputeti Enkelejd Alibeaj është shprehur se procesi duhet t’u japë shqiptarëve presidentin dhe se dështimi i raundit të parë qëndron mbi supet e mazhorancës, kur ndërkohë mazhoranca e ka të sigurt zgjedhjen vetë të Presidentin, pasi në dy raundet e fundit, për të zgjedhur Presidentin e ri mjaftojnë 71 vota të deputetëve, vota që PS-ja i ka dhe mund të zgjedhë kë të dojë.

“Nga ana jonë i është bërë me dije mazhorancës që ky proces do të duhet të përmbushë dhe të ketë disa kritere në mënyrë që t’u japë shqiptarëve njeriun e popullit dhe që përfaqëson unitetin e popullit. Para se të arrihet në një produkt të tillë ne si parlament kemi ca detyrime dhe detyrimi i parë është ai i një procesi të sinqertë. Duhet një president i gjithëpranuar. Ky proces duhet të zhvillohet në bazë konsensuale. Opozita duhet të ketë një rol substancial, pasi mazhoranca nuk ka numrin të vazhdojë e patrazuar për zgjedhjen e njëanshme të presidentit. Tri raundet e para të jenë të tilla. Jeni ju për zgjedhjen e presidentit sipas frymës së kushtetutës. Por që të tregojë që po keni dëshirën për t’u dhënë shqiptarëve qytetarin e parë. Ky dështim i këtij raundi të parë, ky dështim qëndron mbi supet tuaja. Një orë e më parë duhet të mbani një qëndrim. Procesi ka qenë farsë, jo i sinqertë dhe hipokrit”, tha Alibeaj.CNA.al





Lajmet e fundit nga