web counter
LEXO PA REKLAMA!

SHKARKO APP

App Store
Google Play

‘Rikthimi i tarifimit me dy fasha’/ Eksperti i ekonomisë: Do rritet abuzimi

14 Prill 2022, 17:18, Aktualitet CNA

Eksperti i ekonomisë Selami Xhepa ka folur në lidhje me vendimin e qeverisë për rikthimin e fashës së energjisë .

Eksperti theksoi se kjo mënyrë e sistemit të tarifimit të energjisë me dy fasha ishte përdorur që në vitin 20017 dhe se rikthimi i saj sërish në këtë moment nuk do të shërbente për përmirësimin e financave të koorporatës por do të rriste abuzimin.

Xhepa u ndal edhe te mangësitë e tjera serioze siç i quajti, si keqmenxhami i koorporatës duke shpërdoruar rezervat hidrike në vend.

?Një ndër reformat më të rëndësishme të bëra vite më parë në 2007 ishte dhënia fund e një praktike të tarifimit me dy fasha, duke vendosur një sistem faturimi unik për gjithë qytetarët dhe kjo prezupozon se kush konsumon më shumë paguan edhe më shumë. Pra ideja e kthimit të sistemit të faturimit me dy fasha mendoj që do ti shërbejë më shumë ndoshta abuzimit se sa përmirësimit të financave të koorporatës dhe nuk mendoj se është mënyra e duhur.

Problemet me energjinë elektrike në vend janë të akumuluara prej vitesh sepse nuk kemi parë shtime të reja të kapaciteteve për gjenerimin e energjisë elektrike me përjashtim të kontrata të trashëguara që nga qeverisjeve të mëparshme. Kjo është një mangësi serioze dhe një tjetër mëngësi serioze është edhe faktet e bëra publike nga raportet e publikuara në media se kemi të bëjmë me një keqmenaxhim serioz të koorporatës së energjisë në formën se si është përdorur rezerva hidrike”./CNA.al

 





Lajmet e fundit nga