'Plas' në Top Channel/ Largohen njerëzit e Blushit pas akuzave për gjobëvënie

14 Prill 2022, 16:11, Aktualitet CNA
'Plas' në Top Channel/ Largohen njerëzit e Blushit

Pas akuzave të fundit bërë publike nga vetë Departamenti i Informacionit në Top Channel, por dhe reagimi i ashpër i gazetarit Endrit Habilaj dhe publikimet e bëra në faqen e emisionit ‘Top Story’ ku u tha se ishin larguar gjobaxhinjtë apo përgjigja ishte se Vjollca Hoxha i kishte vënë gjobë një biznesmeni, në Top Channel ka filluar furtuna e spastrimit.

Pas largimit të Ben Blushit nga drejtor i përgjithshëm, është larguar dhe Bion Xhokaxhiu, një nga njerëzit më të afërt të Ben Blushit i cili ishte nëndrejtor i përgjithshmë i Top Channel, i vendosur në një post kyç nga vetë Ben Blushi. Një produkt ky i marrë nga Libra dhe çuar drejt Top Channel.

Një tjetër emër që është larguar është Arbër Ndregjonaj, shef i sigurisë në Top Channel. Edhe ky një individ, në një nga postet kryesore të këtij televizioni, i sjellë në Top Chennel nga Libra e Ben Blushit, partia e përkohëshme që Beni e krijoi dhe më pas e falimentoi.

Më përpara u largua nga ky televizion, Endrit Habilaj, autori i emisionit ‘Top Story’ dhe drejtuesi i Top News dhe Gazetës Shqip.

Së fundi, mësohet se postet që mbante Habilaj, tashmë i ka zënë Ledion Lico, dhëndëri i pronares së Top Channel apo bashkëshorti i një prej aksinereve të Top Channel.

Nga ana tjetër, CNA.al ka mësuar se Berman Hoxha, një nga njerëzit e Ben Blushit që drejton prokurimet e Top Channel, pritet që të largohet nga ky television së afërmi.

CNA.al ka mundur të sigurojë të dhëna të tjera në lidhje me atë çfarë po ndodh brenda një prej televizioneve më të mëdha në vend, televizioni kombetarë Top Channel, ku duket qartazi që ka përfunduar ?epoka Blushi? një epokë e errët e cila u mbyll me akuza për gjobvënie nga emisione apo në kundër përgjigje nga autorët e emisioneve se ishte pronarja e Top Channel ajo që u kish vendosur gjoba biznesmenëve.

Së fundit mësohet se jo pak njerëz janë larguar, por pas ikjes së Blushit,  në Top Channel pritet të ketë dhe rikthime personazhesh dhe emra të cilët kanë qenë më parë në menaxhimin e këtij televizioni./CNA.al

Top Channel mbyll emisionin e inceneratorëve

Top Channel e pranon publikisht/ Kishim gjobaxhinj në staf

Vjollca Hoxha shkarkon Endrit Habilajn/ CNA.al e denoncoi për lidhjet me inceneratorët

SPAK ka në dorë faktet/ Kur do hetohen Habilaj & Co?

Ekskluzive/ Ben Blushi dhe Endrit Habilaj nuk pranohen nga Euronews

Habilaj akuza Vjollca Hoxhës dhe Sokol Ballës/ I vunë e po vënë gjoba biznesit

Lajmet e fundit nga