web counter
LEXO PA REKLAMA!

SHKARKO APP

App Store
Google Play

NATO zbulon dështimin e planeve ruse/ “Kievi pritej të rrethohej brenda disa ditësh”

16 Mars 2022, 15:45, Kosova & Bota CNA

Zyrtarë të lartë ushtarakë të NATO-s thonë se presidenti Putin nuk i ka arritur qartë qëllimet e tij ushtarake në Ukrainë deri më tani dhe “ndoshta nuk do t’i arrijë në fund të ditës”. Gjithsesi, të njejtat burime kanë folur për BBC, duke sqaruar se forcat ruse kishin ende kapacitetin për të bërë shumë dëme.

Zyrtarët e mbrojtjes thanë se ndërsa forcat ruse kishin arritur përfitime në rajonet Donetsk dhe Luhansk, ata ende nuk kishin arritur të rrethonin Kievin, gjë që ata thanë se Rusia kishte pritshmëri se do ta arrinte vetëm brenda disa ditësh nga nisja e sulmeve fillestare.

Një sulm i pritshëm amfib rus në jug pranë Odessa-s gjithashtu, deri më tani, nuk është realizuar.

Zyrtarët e NATO-s besojnë se plani fillestar ushtarak i Rusisë kishte përfshirë marrjen e të gjithë bregut të Detit të Zi të Ukrainës deri në Moldavi. Ata vlerësuan se forca pushtuese e Rusisë po vuante nga mungesa e karburantit dhe ushqimit, si dhe po vuante humbje. Ata thanë se Presidenti Putin tashmë po kërkonte përforcime. Një zyrtar tha se ishte shumë e mundshme që do të përfshinte sjelljen e luftëtarëve të huaj nga Siria dhe kontraktorëve privatë ushtarakë, si grupi Wagner në Ukrainë./ CNA.al

 

 





Lajmet e fundit nga