web counter
LEXO PA REKLAMA!

SHKARKO APP

App Store
Google Play

E fundit!

x

Rusia largohet nga Këshilli i Europës/ Putin mundësi rikthimi të dënimit me vdekje

15 Mars 2022, 17:33, Kosova & Bota CNA

Rusia është larguar sot nga Këshilli i Europës, duke parandaluar kështu dëbimin e mundshëm për sulmin e saj ndaj Ukrainës. Pyotr Tolstoy, kreu i delegacionit rus në Asamblenë Parlamentare të Këshillit, bëri me dije se kishte dorëzuar një letër nga ministri i Jashtëm Sergei Lavrov ku njoftonte vendimin e Moskës, raportoi Reuters.

Këshilli i Evropës, funksioni i të cilit është të mbështesë të drejtat e njeriut dhe sundimin e ligjit, e kishte pezulluar anëtarësimin e Rusisë më 25 shkurt, një ditë pasi pushtoi Ukrainën.

Moska tha javën e kaluar se SHBA, NATO-s dhe vendet e BE-së po minonin Këshillin dhe Rusia nuk do të merrte më pjesë. Kremlini e vlerësoi pezullimin si të padrejtë, por kjo I jep tashmë të drejtën Moskës të rikthejë vendimin me vdekje për kriminelët e rrezikshëm.

Të hënën, kryeministri ukrainas Denys Shmygal i kërkoi Këshillit të dëbonte Rusinë, duke i thënë asamblesë se ata që janë përgjegjës për këtë agresion të paprovokuar dhe të pajustifikuar nuk mund të qëndrojnë në familjen evropiane, ku jeta njerëzore është vlera më e lartë./ CNA.al

 





Lajmet e fundit nga